M'akuri 27:38 - Te B'aib'ara

³⁸ Ngke a nuai, ao a kabebetea te kaibuke n tewea nako te uita i tari.

M'akuri 27:38 ပူးပေါင်းရင်းမြစ်များ

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Te Minita 3:6

Iai te tai ni kunei b'aai ao te tai ni kabuab'ai, te tai ni kaawakinib'ai ao te tai n angaanga,

Iona 1:5

Ao a maaku kaimoa ao a tang ni kan buokaki, temanna nakon antina, ao temanna nakon antina. Ao a karenakoi kanoan te kaibuke i taari, b'a e aonga ni bebete riki te kaibuke. Ao e a kaman ruo Iona ni wene i kabin te kaibuke ao e matu iai.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Mataio 4:18

Ngke E nakonako Iesu i rarikin namani Kariraia, ao E noriia taari mm'aane aika uoman, are Timon are arana teuana Betero, ao Anterea are tarina, ngke a kab'aka te karaun n te nama; b'a taan akawa ngaiia.

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Ruka 12:23

B'a e kakawaki riki te maiu nakon te am'arake, ao te rab'ata nakon te kunnikai.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;