M'akuri 26:31 - Te B'aib'ara

³¹ ao ngke a nako ao a taetae i rouia ni kaangai, “E aki karaoa ae e riai matena iai, ke kabaeana iai te aomata arei.”

M'akuri 26:31 ပူးပေါင်းရင်းမြစ်များ

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

Ieremia 26:16

A kaangai taani moti ma aomata ake tabeman nako ia ibonga ma burabeti, “Ngkai e a tia n tuangiira Ieremia ana taeka te UEA ae Atuara, ao ti aki iangoia b'a e na riai matena.”

Ruka 23:4

Ao e taku Birato nakoia aia mataniwi ibonga ao nakoia aomata, “Akea te b'ai ae buakaka ae I kunea iroun te Aomata aei.”

M'akuri 23:29

ao I ataia iai b'a e kabuakakaki ni baika kaeti ma taekan aia Tua, ma akea bukinana ae riai kamateana iai ke kabaeana iai.

M'akuri 23:9

Ao e riki te takarua ae korakora; a teirake taani koroboki tem'angina ake raoia B'aritaio, ao a kauntaeka, ao a taku, “Akea aron teuaei ae buakaka ae ti kunea. E aki ngkoa ao tao e a tia n taetae nakoina te tamnei ke te anera!”

M'akuri 25:25

Ma I kunea b'a akea te b'ai ae e a tia ni karaoia ae riai matena iai; ma ngke e taetae b'a e na motikaki taekana iroun Aukitito, ao e reke nanou b'a N na kanakoa nakoina.

M'akuri 28:18

Ngke a tia n ukoukora aron taekau, ao a iangoia b'a a na kainaomataai b'a akea riaini bukin te b'ai are e riai mateu iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.