M'akuri 26:28 - Te B'aib'ara

²⁸ Ao e taku Akerib'a nakoni B'auro, “Ko anaa nanou b'a N na riki ni Kristian i nanon te tai ae kimototo aei?”

M'akuri 26:28 ပူးပေါင်းရင်းမြစ်များ

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Mataio 10:18

ao ane kam na katikaki nako mataia taan tau-taeka ma uea i buku, ma kam na taekina te koaua nako ia ao nakoia aomata akana tiaki I-Iutaia.

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

M'akuri 11:26

Ao ngke e reke i rouna, ao e kairiia nako Antioka. Teuana aia ririki ni bobotaki ma kaain te ekaretia ikekei, ao a reireia aomata aika bati. Antioka bon te tabo are a moa n atongaki iai taan onimaki b'a Kristian.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

M'akuri 26:27

Te uea ae Akerib'a, “Ko kakoauaia burabeti? I ataiko b'a ko kakoauaia.”

M'akuri 26:29

Ao e taku B'auro, “E kimototo ke e ananau, bon au tataro nakon te Atua b'a ko bia riki n arou, ngkoe ma aomata ni kabaneia aika ongora i rou n te bong aei, ma ti taurekereke aikai b'a kam na aki kabaeaki iai!”

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

1.Betero 4:16

Ma ngkana e maraki temanna ngkai te Kristian, ao e na aki mamaa, ma e na neboa te Atua ngkai e ingoana arani Kristo.