M'akuri 25:6 - Te B'aib'ara

⁶ Ngke e a tia Beteto ni mena i buakoia i nanon te maan ae aki raka i aoni wanua ke tebwina te bong, ao e wairio nako Kaitareia; ao ngke e a ingabong ao e tekateka n te tabo ni motiki-taeka, ao e tua b'a e na kairaki B'auro nakoina.

M'akuri 25:6 ပူးပေါင်းရင်းမြစ်များ

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

Ioane 19:13

Ma ngaia are, ngke e ongo taeka akanne Birato, ao e kaira Iesu ni kaotinakoa, ao e tekateka i aon ana kai n tekateka te tia moti n te tabo are a wene ni baireaki iai atiibu aika kaanga atirababa. Aran te tabo arei n te taetae n Ebera boni Kabata.

M'akuri 25:1

Ma ngaia are, ngke e roko Beteto n te m'akoro are e na tautaeka i aona, ao i mwin tenibong, ao e waerake nako Ierutarem mai Kaitareia.

M'akuri 25:10

Ma e taku B'auro, “N na tei i matan ana kabowi kautun te tautaeka n Rom, are e riai ni motikaki taekau iai. Akea te b'ai ae bure ae I karaoia nakoia I-Iutaia, ao ko bon ataia.

M'akuri 25:17

Ma ngaia are, ngke a roko ikai, ao I aki tab'ara b'a n te bong naba are i mwina, ao I tekateka n te tabo ni motiki-taeka, ao I tua b'a e na kairaki nako iu te aomata arei.

M'akuri 25:4

Ma ngaia are, e kaekaia Beteto ao e taku, “E na kawakinaki B'auro i Kaitareia, ao N na nako ikekei i mwin te tai ae aki maan.

M'akuri 25:5

A na wairio ma ngai aomata aika m'aaka ni babaire i buakomi, ao a na taekina bukinan te aomata arei, ngkana iai ana bure.”

M'akuri 8:40

E roko Biribo i Atoto; ao e tataekina te euangkerio ni kaawa ni kabane, ao e toki i Kaitareia.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?