M'akuri 25:23 - Te B'aib'ara

²³ Ma ngaia are, ngke e a ingabong, ao e roko Akerib'a ma Berenike ma te aro ni karinerine ae bati irouia aomata, n rin n te tabo n ongora ma aia mataniwi nako tautia ma aomata ake a kakannato n te kaawa arei. E tua ngkanne Beteto b'a e na kairaki B'auro nakoia.

M'akuri 25:23 ပူးပေါင်းရင်းမြစ်များ

Etita 1:4

Ao e kaoti kaub'aina ma kakannatona i nanon te maan ae e nakon tebubua waningaun te bong.

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Itaia 14:11

A toki ikai am kainikatonga ma am katangitang n aia aonnaba maate. Ko na rabuniko n taiani m'ata, ao ko na kieniko n taian ino.”

Itaia 5:14

E a tia ni kabanea uren wiina abaia maate ao e a bora n tataningaia taani kairiiri mai Ierutarem ma aia botannaomata aika a kakarongoa, ai moaraara riki koraki ake a kamoamoaaki n te kaawa are e buubura arei.

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Etekiera 32:12

A na tiringaki am tautia irouia te taanga ni buaka aika taani iowawa n te aonnaba, ao a na bane ni kamanatuaaki b'aai nako ake ko karekei n te baabakanikawai.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Etekiera 7:24

ma ngaia are, N na tuangiia botannaomata ake taiani kabanea ni buakaka b'a a na roko n anai mwengami. A na katoka te kainikatonga ane i nanon ami taanga ni buaka ae e korakora, ao a na karaoi ami tabo n taromauri b'a taabo aika a aki tau ni kamanenaaki.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Mareko 6:21

E reke ana tai Eroria: e reke n ana tai Erote ngke e kauringa ana bongi ni bung, ngke e karaoa te am'arake ae ab'ab'aki i bukiia ake a kakannato n te tautaeka, ao i bukiia mataniwi n taanga ni buaka, ma aomata ake a kakannato i Kariraia.

M'akuri 12:21

N te bongi teuana are e baireaki, ao e karini kunnikaina n uea i aona Erote, ao e tekateka i aon ana kaintokanuea, ao e taetae nakoia aomata.

M'akuri 25:13

Ao i mwin tabe bong ao e roko Akerib'a are te uea ma Nei Berenike i Kaitareia, ni kaota nanoia ni butim'aea Beteto.

M'akuri 26:30

Ao e teirake te uea, ma Beteto, ma Nei Berenike, ma uake raoia n tekateka,

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

1.I-Korinto 7:31

ao ake a tabe ma b'ain te aonnaba aei, b'a aongkoa a aki kabanebuakai aia tai iai. B'a te aonnaba aei, n arona ae ngkai, e na aki maan ao e na mauna.

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.

1.Betero 1:24

B'a e kaangai te B'aib'ara: “Kanga te uteute aomata ni kabaneia, ao tamaroaia ni bane kanga ai aron ueen te uteute. E rai te uteute, ao e b'aka te uee,

1.Ioane 2:16

B'a b'aai ni kabane aika mena i aonnaba, ae kaib'ab'arun te rab'ata, ma aia kaib'ab'aru maata, ma kainikatongan te maiu aei, a aki riki mairoun te Tama, ma a riki man te aonnaba ae bubure.