M'akuri 24:24 - Te B'aib'ara

²⁴ I mwin tabe bong ao e roko Berika ma buna are Nei Rutira ae te I-Iutaia. E kaoa B'auro Berika, ao e ongora i rouna n taekan onimakinani Kristo Iesu.

M'akuri 24:24 ပူးပေါင်းရင်းမြစ်များ

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Ruka 19:3

E kan nora Iesu b'a tera aron taraana, ma e aki kona i bukiia aomata aika m'aiti, ao ngaia, te aomata ae uarereke.

Ruka 23:8

Ngke e nora Iesu Erote, ao e rangi ni kukurei b'a e a kaman ingainga nanona ni kan noria, i bukin ae e a kaman tia n ongo taekana, ao iai ana kaantaninga b'a e kan noria ni karaoa te m'akuri ae kamimii.

M'akuri 16:31

Ao ngaiia a taku, “Ko na onimakina te UEA are Iesu, ao ko a kamaiuaki iai ma am utu.”

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

M'akuri 26:22

Ma E a tia te Atua ni buobuokai ni karokoa te bong aei, ao ngaia ae I a tei iai ngkai n taetae nakoia akana mangori ma akana kakannato, n akea te bae I karakaa n taekinna i rarikin ti aia taeka burabeti ma Mote i bukini baika na roko:

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.

Te Kaotioti 14:12

Aei te nanom'aaka ae kaantaningaki mairouia ake a itiaki, ake a tauu ana tua te Atua, ma ni kakaonimaki nakon Iesu.