M'akuri 23:7 - Te B'aib'ara

⁷ Ngke e a atonga aei B'auro, ao e a riki naba te kauntaeka irouia B'aritaio ma Tarukaio; ao a uamaae n aia iango kaain te kabowi.

M'akuri 23:7 ပူးပေါင်းရင်းမြစ်များ

Taian Areru 55:9

Te Uea, Ko na kamangaongaoi aia taetae taan ribaai, B'a I noori m'akuri ni kakeru ma aaro ni kiriwe i nanon te kaawa.

Mataio 10:34

Tai taku i nanomi b'a I roko b'a N na uota te raoi nako aonnaba: I aki roko b'a N na uota te raoi, ma I roko b'a N na uota te kabaang.

M'akuri 14:4

E a riki te iraraaure irouia kaain te kaawa arei: a tei tem'angina i bukiia I-Iutaia, ao tem'angina a tei i bukiia taan tuatua.

M'akuri 23:6

Ngke e ataia B'auro b'a Tarukaio tem'angina, ao B'aritaio tem'angina, ao e kanenea ngkanne b'anaana i mataia kaain te Tanirim, ni kaangai, “Mm'aane, taari, bon te B'aritaio ngai, ae natiia B'aritaio. E kabowiaki taekau ikai i bukin te kaantaninga ae i rou ae a na manga uti maate!”

M'akuri 23:8

B'a a taku Tarukaio b'a akea te manga-maiu, ao akea anera ma tamnei; ma a taku B'aritaio b'a iai baikai ni kabane.