M'akuri 23:19 - Te B'aib'ara

¹⁹ E taua bain te roronga arei aia mataniwi tautia, ao e kairia nako ni kaokoroia n ti ngaiia, ao e a titirakinna ngkanne ni kaangai, “Tera am taeka ane ko na tuangai?”

M'akuri 23:19 ပူးပေါင်းရင်းမြစ်များ

Neemia 2:4

Ao e taku te uea, “Ao tera ae ko tangiria b'a n na karaoia?” I tataro nakon te Atua are e taua taekan karawa.

Etita 5:3

Ao e titirakina Nei Etita, ao e taku, Tera ae ko tangiria te ueanaine ae Nei Etita, tuangai b'a tera ae ko tangiria, ao e na reke iroum, e aoria ngkana iteran abanueau ke kaub'aiu.

Etita 7:2

te kauoua n tai. Ao e a manga titirakina riki neierei te uea ni kaangai, Nei Etita ae te ueanaine, tera ae ko tangiria? Tuangai b'a N na karaoia i bukim. E aoria ngkana iteran abanueau.

Etita 9:12

Ao e taku te uea nakon te ueanaine are Nei Etita, A tia I-Iutaia n tiringiia nimabubua te aomata n reitaki ma natin Aaman ake tengaun. Tera riki ae a tangiria ni karaoia n abanueau. Tera ae ko tangiria ngkai? Ko na anganaki ane ko tangiria. Tuangai riki te b'ai ane ko tangiria, ao e na reke iroum.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Mareko 10:51

E titirakinna Iesu ao E taku, “Tera te b'ai ae ko tangirai iai b'a N na karaoia i bukim?” E kaeka te aomata are mataki ao e taku nako Ina, “Raboni! I kan noraba.”

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

Mareko 9:27

Ma Iesu, E taua baina ao E kateirakea, ao ngaia e tei rake.

Ioane 18:12

E tauaki ngkanne Iesu irouia tautia ma aia mataniwi, ao irouia bureitimanin te Tembora, ao a kabaea.

M'akuri 17:19

Ao a taua B'auro ni kairiia nakon te Areiobako, ao a kaangai, “Ko kona n tuangiira b'a tera te koaua ae boou ae ko taekinna?

M'akuri 23:18

Ma ngaia are, e kairia nakon aia mataniwi tautia, ao e taku, “E weteai te bure are B'auro ao e butiai b'a N na kaira te roronga aei nako im, b'a iai te bae e na tuangko.”

M'akuri 23:20

Ao ngaia e taku, “A kabo nanoia I-Iutaia b'a a na butiiko b'a ko na kaira rio B'auro ningabong nakoia kaain te Tanirim, b'a aongkoa are a na ukoukora riki aroni kaetan taekana.