M'akuri 22:24 - Te B'aib'ara

²⁴ Ao e anga ana taeka aia mataniwi tautia b'a e na kairaki B'auro nako nanoni neia tautia are matoatoa, ao e tua b'a e na kataereaki ni kakaeaki mai rouna b'a tera ana bure are a takaruaia iai aomata n ekianako, b'a e aonga n ataia raoi.

M'akuri 22:24 ပူးပေါင်းရင်းမြစ်များ

Ioane 19:1

Ma ngaia are, e tua ngkanne Birato b'a e na tauaki Iesu ni kataereaki.

M'akuri 16:37

Ma e taku B'auro nakoia bureitiman, “A kataereira i mataia aomata, n akea kabowian taekara, ao I-Rom ngaira. A kaakira i nanon te karabuuti, ao a nang kanakoira ngkai ni karaba kanakoara? E aki riai; ma a na bon nako mai ngaiia ni kaotinakoira.”

M'akuri 21:34

A takaruaea te b'ai teuana tem'angina i buakon te koraki arei, ao tem'angina te b'ai teuana; ma ngaia are ngke e aki kona n ata te koaua i bukini mangaoia aomata, ao e tua b'a e na kairaki B'auro nakoni neia tautia are matoatoa.

M'akuri 21:37

Ngke e nang kairaki ni karinaki B'auro i nanoni neia tautia are matoatoa, ao e taku nakon aia mataniwi tautia, “E kariaiaki b'a N na taetae nako im, ke e aki?” “Ao ngaia e kaangai, Ko rabakau n taetae n Erene?”

M'akuri 23:10

Ngke e riki te kauntaeka ae korakora, ao e makuia aomata aia mataniwi tautia b'a a kaawa n raebitia B'auro; ma ngaia are e tuangiia tautia b'a a na ruo n anaa B'auro mai buakoia, ao a na kairiia nako nanoni neia tautia are matoatoa.

M'akuri 23:27

Ko na mauri! E tauaki te aomata aei irouia I-Iutaia, ao e kuri ni kamateaki i rouia; ngke I ataia b'a te I-Rom, ao I nako ma tautia ni kamaiua.

M'akuri 28:18

Ngke a tia n ukoukora aron taekau, ao a iangoia b'a a na kainaomataai b'a akea riaini bukin te b'ai are e riai mateu iai.

Ebera 11:35

a manga reke irouia aine aia koraki ake a tia ni mate ngke a a manga uti. Ao tem'angina a kataereaki ni karokoi mateia, ngke a rawa ni kani kainaomataki, b'a a aonga n reke i rouia te maiu ae raoiroi riki ngkana a manga uti.