M'akuri 21:32 - Te B'aib'ara

³² Ao ngaia e a kairiia ngkekei naba tautia ma mataniwi n taanga ni buaka ake kaka tebubua kaaia, ao a biri rio nakoia aomata; ao ngaiia, ngke a nora aia mataniwi tautia ma tautia, ao a katoka oreani B'auro.

M'akuri 21:32 ပူးပေါင်းရင်းမြစ်များ

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Ioane 18:12

E tauaki ngkanne Iesu irouia tautia ma aia mataniwi, ao irouia bureitimanin te Tembora, ao a kabaea.

M'akuri 18:17

Ao a bane n taua Tototene are te tia taua taekani m'aneabaia I-Iutaia, ao a batiboia i matan te tabo ni motiki-taeka; ma e aki kan tabe ma ngaiia Kario.

M'akuri 22:19

Ao ngai I taku, “Te UEA, a bon ataai b'a I kariniia n te karabuuti ake a onimakiniko, ao I kataereia ni m'aneabaia nako I-Iutaia;

M'akuri 23:27

Ko na mauri! E tauaki te aomata aei irouia I-Iutaia, ao e kuri ni kamateaki i rouia; ngke I ataia b'a te I-Rom, ao I nako ma tautia ni kamaiua.

M'akuri 24:6

ao e kataia naba ni kani kam'araea te Tembora; ao ti taua.

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.