M'akuri 21:20 - Te B'aib'ara

²⁰ Ao ngke a ongo, ao a karaoiroa te Atua, ao a taku nakoina, Tarira, ko noria b'a nga ma nga I-Iutaia aika tia n rairaki, aika a rangi ni korakora nanoia n tangira te Tua.

M'akuri 21:20 ပူးပေါင်းရင်းမြစ်များ

Taian Areru 22:23

Kam na kamoamoaa, ngkami aika kam toro iroun te UEA; Kam na karinea, ngkami aika ana kariki Iakob'a; Ao kam na bane ni maaku i rouna, ngkami aika Iteraera.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Mataio 9:8

Ngke a nora te baere riki aomata, ao a maaku, ao a kamoamoa te Atua are E a tia n angania aomata te m'aaka ae ai aron aei.

Ruka 12:1

Ao ngkekei naba, ngke a botaki aomata aika rangi ni m'aiti n te aro are a rangi n i rib'arib'a, ao E taku Iesu nakoia moa ana reirei: Kawakiningkami man aia iiti B'aritaio are te m'am'ana-te-aba.

Ruka 15:32

E riai b'a ti na kim'areirei ao ti na kukurei, b'a e mate tarim aei, ao e a manga uti; e bua ao e a manga reke.”

Ioane 12:24

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 15:1

A roko aomata tabem'aang mai Iutaia nako Antioka, ao a reireiia taari, ni kaangai, “Kam aki konaaki ni kamaiuaki ngkana kam aki korotabonim'aneaki, n ai aron ana taeka Mote.”

M'akuri 15:24

Ngkai ti ongo b'a iai tabem'aang i buakoia ara koraki aika kakiriweingkami n aia taeka, ao a uru nanomi iai, aika te koraki aika akea ara taeka nakoia b'a a na karaoa ae aron anne.

M'akuri 15:5

Ma a teirake tabem'aang ake a onimaki man te koraki ni B'aritaio, ao a kaangai, “A bon riai ni korotabonim'aneaki, ao ni kamatoaki te taeka nakoia b'a a na tou mwin ana tua Mote.”

M'akuri 2:41

A b'abetitoaki ngkanne aomata ake a butim'aea ana taeka Betero, tao 3,000 m'aitiia, ao a ikotaki ma m'aitiia taan onimaki n te bong arei.

M'akuri 22:3

Bon te aomata ae te I-Iutaia ngai, ae I bungiaki i Taareto are i Kirikia, ma I ikawai rake n te kaawa aei, ao I reireiaki irouni Kamariera. I reireiaki n aia tua ara bakatibu n arona ni kabanea, ao e bane nanou nakon te Atua, n ai aromi naba ni kabaneingkami n te bong aei.

M'akuri 4:21

Ao ngke a tia n taetae nakoia ni kakamakuia riki, ao a kanakoia, b'a akea te b'ai teuana ae a kunea are a na kareke kaiia iai, b'a a makuia aomata; b'a a bane aomata ni karaoiroa te Atua i bukin te baere e a tia n riki.

M'akuri 4:4

Ma a bati i buakoia aomata ake a ongo aia taeka Betero ma Ioane ake a kakoauaa; tao nimangaa m'aitiia ake a onimaki.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 10:2

B'a I kakoauaia ae a babane nanoia nakon te Atua, ma akea aia atatai

I-Karatia 1:14

E nako raoi riki arou n te Aro n Iutaia nakoia au roro aika bati aika kaain au botannaomata, b'a I bati n tangiri aia taeka n reirei au bakatibu.

I-Karatia 1:24

Ao a neboa te Atua i bukin te baere E a tia ni karaoia i rou.

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.