M'akuri 20:38 - Te B'aib'ara

³⁸ A nanokawaki riki n ana taeka are e taku b'a a na aki manga nora matana. Ao a bakaborauia nakon te kaibuke.

M'akuri 20:38 ပူးပေါင်းရင်းမြစ်များ

M'akuri 15:3

Ma ngaia are, ngke a kanakoaki iroun te ekaretia, ao a ri nuukani Boinike ma Taamaria, ni karakin taekan rairan nanoia aomata ake tiaki I-Iutaia; a rangi ni kim'areirei taari i rouia ngke a ongo arei.

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

M'akuri 21:16

A irira tabem'aang mai buakoia reirei ake i Kaitareia, ao a kaira temanna ae M'anaton ae te I-Kubero, ae te reirei nikawai, are ti na maeka i rouna.

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

M'akuri 25:26

Ma akea i rou taekana ae ataaki raoi ae N na koreia nakoni kautun te tautaeka n Rom. Ma ngaia ae I kairiia mai nako matami, ao ai moara riki nako matam, te uea ae Akerib'a, b'a i mwini kakaaean taekana iroura ao tao a kona n reke baika N na korei taekaia.

1.I-Korinto 16:11

Ma ngaia ae e na tai kakeaa bongana temanna i roumi; ma kam na bakaborauia raoi b'a e aonga n roko i rou, b'a ae I taninga rokona ma rokoia taari tem'angina.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.