M'akuri 20:29 - Te B'aib'ara

²⁹ I ataia b'a i mwin nakou ao ane a na roko i buakomi aomata aika ai aroia kameanti aika tiritiri, n aki karaua te ekaretia;

M'akuri 20:29 ပူးပေါင်းရင်းမြစ်များ

Ieremia 13:20

Ierutarem, ko tautaekaniia kaain Iuta ma te kainikatonga ae moan te korakora. Ma a ngaa ngkai?

Ieremia 23:1

Ngkami aika taan kairiia Au aomata, ti te bo ngkami ma taan kaawakintiibu aika kam tiringiia tiibu ma ni kamaaenako ia.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Etekiera 34:8

Ngkai I bon maiu Ngai ae te UEA ae te Atua, ao e raoiroi riki ngkana kam ongora Irou. A tia n aki karauaki Au tiibu irouia maan aika a aki manana ake a bon tiringiia ma ni kaniia i bukina b'a akea te tia kaawakin tiibu. A bon aki kani kakaaia tiibu Au tia kaawakin tiibu. A bon iangoi aroia i bon irouia ao tiaki tiibu.

Taniera 11:34

Ngke e bon tabe ni waaki nako te tiritiri, ao e reke buokaia teutana ana Aomata te Atua, e ngae ngkana a m'aiti i buakoia ake a iriia i bukin iangoaia i bon irouia.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Ruka 10:3

Kam na nako; noria, I kanakoingkami, b'a kanga aroia tiibu aika ataei i buakoia kameanti.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

Ioane 10:12

Te aomata ane kaboaki ana m'akuri, ane tiaki te tia kawakin tiibu ao tiaki ana man tiibu, ngkana e nora te man ae tiritiri b'a e roko, ao e biri nako ni kitaniia tiibu; e rawea temanna te tiibu te man are tiritiri n tenaia, ao e kauamaaei ake nikiraia.

Ioane 21:15

Ngke a tia n am'arake, ao E titirakina Timon Betero Iesu ni kaangai, “Timon, ae natin Ioane, ko tangirai riki nakoia uaakai?” E taku Timon nakoina, “Te Uea, Ko ataai b'a I tangiriko.” E taku Iesu nakoina, “Kakaam'arakeia au tiibu aika ataei.”

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”