M'akuri 20:28 - Te B'aib'ara

²⁸ Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 20:28 ပူးပေါင်းရင်းမြစ်များ

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Taeka n Rabakau 10:21

A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 13:20

Ierutarem, ko tautaekaniia kaain Iuta ma te kainikatonga ae moan te korakora. Ma a ngaa ngkai?

Ieremia 3:15

Ao i mwiina, N na rineia taan tautaeka aika a wanawana aika a na ongotaeka irou, ao a na kakaawakiningkami kaanga taan kaawakintiibu.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Etekiera 34:3

Kam nim aia miriki ao kam kabonganai buraeia b'a ami kunnikai. Ao i mwiina, kam tiringiia ake kabanea n tamaroa b'a kanami. Ma kam bon aki tararuaia maan!

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Tekaria 11:4

E taku te UEA ae Atuau nako iu: Kaawakiniia tiibu aikai i bukin te tiringaki!

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Mareko 13:9

“Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

M'akuri 20:17

Ao e kananako B'auro mai Mireto nako Ebeto b'a a na weteaki unimm'aanen te ekaretia.

M'akuri 20:29

I ataia b'a i mwin nakou ao ane a na roko i buakomi aomata aika ai aroia kameanti aika tiritiri, n aki karaua te ekaretia;

I-Rom 16:16

Kam na i kamauri, temanna nakon temanna, n ai aroia taari n inga. A bane ni kamauringkami ana ekaretia Kristo.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.I-Korinto 11:22

B'a akea ami auti aika kam kona n am'arake ma ni moi iai? Ke kam kakeaa bonganan ana ekaretia te Atua, ma ni kamamaaia te koraki akana akea aia b'ai? Tera ae N na atongnga nako imi? N na kamoamoaingkami? I bon aki kamoamoaingkami n anne.

1.I-Korinto 15:9

B'a moan te mangori ngai i buakoia taan tuatua, ao I aki tau b'a N na atongaki b'a te tia tuatua, i bukina b'a I b'ainikirina ana ekaretia te Atua.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

I-Karatia 1:13

B'a kam ongo arou ngkekei, i nanon te Aro n Iutaia, b'a e rangi ni korakora b'ainikirinan ana ekaretia te Atua i rou, ao I kakaraoa are I kona n urua iai.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

I-Biribi 1:1

Mairouni B'auro ma Timoteo, aika ana toro Kristo Iesu, nakoia ake a itiaki ni kabaneia, ake a nim ma Kristo Iesu, ake a mena i Biribi; ao nakoia naba ake mataniwi ma taani buobuoki:

I-Korote 1:14

are e reke mai Rouna kainaomatakira, ae nanona, b'a a kab'araki ara bure.

I-Korote 4:17

Ao kam na kangai nakon Arekibo, “Ko na tarataraa am m'akuri are ko anganaki i bukin te UEA, b'a ko na katia karaoana.”

1.Timoteo 3:1

E koaua te taeka ae kaangai: Ngkana e kan riki te aomata b'a te mataniwi n te ekaretia, ao e rinea te m'akuri ae e raoiroi.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 3:5

B'a ngkana e babanga te aomata n tau aroia kaain oin ana utu, ao e na kanga ni kawakina ana ekaretia te Atua?

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 4:16

Ko na tarataraiko n arom ni maium, ao tarataraa kanoan am reirei. Ko na kakaraoi baikai; b'a ngkana ko karaoa aei, ao ko na kamaiuaki iai ma ake a ongo i roum.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,