M'akuri 20:24 - Te B'aib'ara

²⁴ Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 20:24 ပူးပေါင်းရင်းမြစ်များ

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

Ruka 16:28

b'a iai niiman tariu, ao e na angania te taeka ni katauraoi b'a a aonga n aki roko n te tabo ae kamaraki aei.”

Ioane 15:27

Ao ngkami naba taani kakoaua, b'a kam a tia ni memena irou mai moana.

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

M'akuri 1:17

B'a e warekaki Iuta i buakora, ao e reke tib'angana n te nakoa aei.”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 13:25

Ao ngke e nangi roroko Ioane n tokin ana m'akuri, ao e taku, “Kam taku b'a antai ngai? Tiaki Teuarei ngai. Ma noria, E na roko i mwiu, ao I aki tau b'a N na kab'arai kabaean ana kau ni wae.”

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

M'akuri 15:7

Ngke e a maan te kauntaeka, ao e teirake Betero, ao e kaangai nakoia, Taari, kam ataai b'a E rineai ngkoa te Atua i buakora b'a N na tataekina te euangkerio nakoia aomata aika tiaki I-Iutaia, b'a a aonga n ongo ma n onimaki.

M'akuri 18:5

Ngke a roko Tira ma Timoteo mai M'aketonia, ao akea ana m'akuri B'auro b'a ti te tataekina ana taeka te Atua, ni kaota raoi nakoia I-Iutaia b'a bon te Kristo Iesu.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 20:23

Ma I ti ata ana taeka te Tamnei are Raoiroi nako iu ni kaawa nako, b'a E taku b'a N na kaitaraa ma b'aai ni kabaebae ao te karawaawataaki.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

M'akuri 22:21

Ao Ngaia E taku nako iu, “Naako, b'a N na kanakoko nako kiraroa nakoia aomata aika Tientaire.”

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 4:4

E aki atongaki boon te tia m'akuri b'a te b'ai n akoi nakoina, ma e atongaki b'a boona are riai ni b'aka nakoina i bukin ana m'akuri.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 4:12

Ma ngaia ae e m'am'akuri te mate i nanora, ma te maiu i nanomi.

2.I-Korinto 5:8

A kakorakoraki nanora, ao ti tangira riki te kitana mwengara ae te rab'ata ma n nako ni maeka ma te UEA.

2.I-Korinto 7:4

I rangi n onimakiningkami, ao I rangi ni kamoamoa i roumi; e rangi n rau nanou, ao moan te bati kakatongau i buakon rawawatara ni bane.

I-Karatia 1:1

Ngai ae B'auro, ae te tia tuatua, tiaki mairouia aomata, ao tiaki naba iroun te aomata, ma bon te tia tuatua iroun Iesu Kristo ma te Atua ae te Tama, are E a manga uti Iesu i rouna mai buakoia maate.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 3:13

Ma ngaia ae I bubuti b'a a na tai b'ara nanomi n rawaawatau i bukimi, b'a bon i bukini kamoamoaami.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.I-Tetaronike 3:3

b'a e na tai riki n aki rau nanon temanna n taian rawawata aikai. B'a kam bon ataia b'a boni katauara b'a ti na ri nanon te rawawata.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

2.Timoteo 3:11

ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Tito 1:3

ma ngke e roko taina ae riai, ao E kaota ana taeka n te Rongorongo are I mwiokoaki iai, ao I tataekinna n ai aron tuangau iroun te Atua are ara Tia Kamaiu;

Tito 2:11

B'a E a tia te Atua ni kaota ana akoi i bukini kamaiuaia aomata ni kabaneia.

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 6:11

Ao a bane n anganaki kunnikai aika m'arairai aika mainaina; ao a tuangaki b'a a na motirawa ni katoki kuaia ni kamaniia teutana, ni karokoa ae e koro raoi m'aitiia raoia n toro ma tariia ake a nang kamateaki n ai aroia naba.