M'akuri 20:19 - Te B'aib'ara

¹⁹ Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 20:19 ပူးပေါင်းရင်းမြစ်များ

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

M'akuri 17:13

Ma ngke a ataia I-Iutaia ake i Tetaronike b'a e taekinaki naba ana taeka te Atua irouni B'auro i Beroia, ao a roko naba iai n aki karauia aomata, ao ni kakiriweia.

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

M'akuri 20:3

E tiku iai tenua nam'akaina; ao ngke e nangi borau nako Turia, ao iai I-Iutaia ake a na kam'arua; ma ngaia are e a reke nanona ngkanne b'a e na oki n ri nuukani M'aketonia.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

M'akuri 21:27

Ngke a kani koro boong ake itibong, ao a nora B'auro I-Iutaia ake kaain Atia i nanon te Tembora. A kakiriweia aomata ni kabaneia, ao a taua B'auro.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

I-Rom 1:1

Ngai ae B'auro, ae ana toro Iesu Kristo, ae weteaki b'a te tia tuatua, ao e rineaki i bukin tataekinan ana euangkerio te Atua;

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

2.I-Korinto 2:4

B'a I koroboki nako imi ma nanou ae e taonaki n te rawawata ma te korakai ae bati, ma rannimatau aika bati; tiaki b'a kam aonga ni karawawataki iai, ma kam aonga n ataia b'a e bati tangirami i rou.

2.I-Korinto 3:5

Akea i roura te bae ti na taku iai b'a ti kona ni karaoa te b'ai teuana i bon i roura; ara kona ni karaoia boni mairoun te Atua,

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

I-Ebeto 6:7

Kam na karaoa ami m'akuri n toro ma te nanoraoi, b'a kanga ai aron ae kam toro iroun te UEA ma tiaki irouia aomata.

I-Biribi 3:18

B'a a bati aomata, ake I aki toki n taekiniia ngkoa nakoimi ao I a manga taekiniia naba ngkai ma rannimatau aika waanako: b'a kairiribai ngaiia ni maiuia nakon ana kaibangaki Kristo.

I-Korote 3:24

ngkai kam ata te UEA b'a E nang anganingkami b'a boon ami m'akuri te baere E a tia ni kawakinna i bukiia ana aomata. B'a Kristo boni Ngaia te Toka ni koaua are kam toro i Rouna.

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

2.Timoteo 1:4

I uringa arom ngke ko tang, ao I rangi ni kan noriko b'a I aonga ni kaonaki n te kim'areirei.

Iakobo 1:2

Tariu, kam na kim'areirei ngkana kam kaitara ma taiani kariri nako,

1.Betero 1:6

Kam na kim'areirei n te baei, e boni ngae n riai iroumi b'a kam na rawawata i nanon tabeua te tai i bukini kataakimi aika bati aroia;

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

Te Kaotioti 7:15

Ma ngaia ae a memena i aan ana kaintokanuea te Atua; ao a toro i rouna ni ngaina ao ni bong i nanon ana Tembora. Ao Teuare tekateka i aon te kaintokanuea E na kamanoia ni memenana i rouia.