M'akuri 2:41 - Te B'aib'ara

⁴¹ A b'abetitoaki ngkanne aomata ake a butim'aea ana taeka Betero, tao 3,000 m'aitiia, ao a ikotaki ma m'aitiia taan onimaki n te bong arei.

M'akuri 2:41 ပူးပေါင်းရင်းမြစ်များ

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Ioane 14:12

Bon te koaua ni koaua ae I a tuangngkami b'a ane onimakinai ao e na karaoi m'akuri aika I karaoi; ao e na karaoi m'akuri aika ab'ab'aki riki, i bukina b'a N na nako n Tamau.

Ioane 21:11

Ma ngaia are, e toka i aon te boti Timon Betero ao e katika te karaun nako aon te aba; e on te karaun n ika aika ab'ab'aki. E ngae ngke e rangi ni bati te ika, ma e aki roko n te raeuaki te karaun.

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

M'akuri 2:47

ao a kamoamoa te Atua, ao a tangiraki irouia aomata. N te bong ae koraki ao a kam'aitaki riki aia koraki taan onimaki iroun te UEA irouia ake a tib'a manga kamaiuaki.

M'akuri 27:37

M'aitiia ara koraki ni kabaneia i aon te kaibuke bon uabubua itingauni ma onoman.

M'akuri 3:23

Ao te b'ai ae na riki nakoia aomata nako akana rawa n ongo iroun te Burabeti arei, a na bane ni kamaunaki mai buakon te botannaomata.”

M'akuri 4:4

Ma a bati i buakoia aomata ake a ongo aia taeka Betero ma Ioane ake a kakoauaa; tao nimangaa m'aitiia ake a onimaki.

M'akuri 7:14

Ao e kananako Ioteb'a b'a e na weteaki nakoina tamana are Iakob'a ma ana utu ni kabaneia, ake itingauni ma niman.

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.

1.I-Tetaronike 1:6

Kam riki b'a taani kakairi i roura ma te Uea, ngke kam butim'aea ana taeka ma te kim'areirei are mairoun te Tamnei are Raoiroi, i buakon rawawatami ae bati:

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

Te Kaotioti 16:3

Ao te anera are te kauoman e kab'aroa kanoan ana boora i marawa; ao e riki n raraa marawa, kanga ai aron raraan te aomata ae mate; ao a bane ni mate maan ake i marawa.