M'akuri 2:38 - Te B'aib'ara

³⁸ Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 2:38 ပူးပေါင်းရင်းမြစ်များ

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 3:6

A b'abetitoaki i rouna n te karaanga are te Ioretan, ngke a kaoti aia bure.

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mareko 1:15

Ao E taku, “E a koro raoi te tai, ao e a kaan Uean te Atua! Rairi nanomi ao onimakina te euangkerio!”

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ruka 3:10

Ao a taku aomata aika bati nako ina, “Tera ngkanne te bae ti riai ni karaoia?”

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 10:48

Ao e tua Betero b'a a na b'abetitoaki n aran Iesu Kristo. A butiia ngkanne Betero b'a e na tiku i rouia tabe bong.

M'akuri 13:38

Ma ngaia aei, taari, kam na ataia b'a kam tuangaki b'a a kab'araki buure iroun Iesu. Ma kam aki konaaki ni kainaomataki n ami bure mai aan ana tua Mote.

M'akuri 16:15

E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

M'akuri 8:12

Ma ngke a kakoauaa Biribo n ana rongorongo aika raraoi ake e taekin i bukin Uean te Atua ma aran Iesu Kristo, ao a b'abetitoaki, mm'aane ma aine.

M'akuri 8:20

Ma e taku Betero nakoina, “E na mauna ma n akea bonganan am m'ane, ao ai arom naba, ngkai ko taku n am iango b'a e konaaki ni karekeaki ana b'ai n tituaraoi te Atua n te m'ane!

I-Rom 6:3

Kam aki ataira ngaira aika ti b'abetitoaki nako nanoni Kristo Iesu b'a ti b'abetitoaki nako nanoni matena?

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;