M'akuri 19:4 - Te B'aib'ara

⁴ Ao e taku B'auro, “Ana b'abetito Ioane bon te b'abetito i bukin rairan te nano; ao e tuangiia aomata aika Iteraera b'a a na onimakina Teuare nangi roko i mwina, are Iesu.”

M'akuri 19:4 ပူးပေါင်းရင်းမြစ်များ

Ioane 1:15

E tataekinna Ioane, ao e kanenea b'anaana ni kaangai, “Bon aei Teuare I taekinna ngke I kaangai, Teuare roko i mwiu, E kakannato riki nako iu b'a ai kaman iai Ngaia ma ngkoa i m'aini bungiakiu.”

Ioane 1:26

E kaekaia Ioane ao e kaangai, “I b'ab'abetito n te ran, ma iai temanna ae tei i buakomi, ae kam aki ataia,

Ioane 1:27

ae na waaki i mwiu. I aki tau b'a N na kab'ara kabaean ana kauniwae.”

Ioane 1:7

E roko b'a te tia kakoaua ngaia i bukin te Oota arei, b'a a aonga ni bane aomata n onimaki n ana kaotioti.

M'akuri 1:5

B'a e b'ab'abetito Ioane n te ran, ma ane kam na b'abetitoaki n te Tamnei are Raoiroi i mwini boong tabebong.”

M'akuri 11:16

Ao I uringa ana taeka te UEA ngke E kaangai, “E boni b'ab'abetito Ioane n te ran, ma ane kam na b'abetitoaki n te Tamnei are Raoiroi.”