M'akuri 19:31 - Te B'aib'ara

³¹ A kanakoa naba nakoni B'auro aia rongorongo I-Atia tabem'aang, aika taan tautaeka aika raoraona, ao a tuangnga b'a e na aki kaoti n aia tabo ni bobotaki kaain te kaawa.

M'akuri 19:31 ပူးပေါင်းရင်းမြစ်များ

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Mareko 1:40

Ao e nako Ina te aomata ae rebera ni butiia, ao e b'aka i aoni bubuaniwaena i matana, ao e taku nako Ina, “Ko kona ni kaitiakai, ngkana nanom.”

M'akuri 16:6

Ao a m'ananga n ri nukan te aba are Berukia ma Karatia, ngke a tukaki iroun te Tamnei are Raoiroi b'a a na aki taekina ana taeka te Atua i Atia;

M'akuri 19:10

E kakaraoa aei i nanon uoua te ririki, n te aro are a bane n ongo ana taeka te UEA aomata ake a maeka i Atia, ake I-Iutaia ma I-Erene.

M'akuri 19:29

E buta aon te kaawa arei n te kiriwe, ao a tauaki irouia aomata Kaio ma Arititareko, aika I-M'aketonia, aika raoni B'auro ni m'am'ananga. A bane ni b'aina te nano ae ti teuana ni kanenei nakon te tabo are a bobotaki iai kaain te kaawa, ao a tauia uakekei.

M'akuri 19:30

E kan nako B'auro n tei n taetae i mataia aomata, ma a tukia ake a onimaki.

M'akuri 19:32

A mangao aomata: tem'angina a takaruaea te b'ai teuana, ao tem'angina te b'ai teuana, b'a a m'aiti i buakoia ake a aki ata bukin are a botaki iai.

M'akuri 21:12

Ngke ti ongo taeka akanne ao ti kabanea ara bubuti nakoni B'auro, ngaira ma aomata n te tabo arei, b'a e na aki waerake nako Ierutarem.