M'akuri 19:29 - Te B'aib'ara

²⁹ E buta aon te kaawa arei n te kiriwe, ao a tauaki irouia aomata Kaio ma Arititareko, aika I-M'aketonia, aika raoni B'auro ni m'am'ananga. A bane ni b'aina te nano ae ti teuana ni kanenei nakon te tabo are a bobotaki iai kaain te kaawa, ao a tauia uakekei.

M'akuri 19:29 ပူးပေါင်းရင်းမြစ်များ

M'akuri 13:5

Ngke a roko i Tarami, ao a tataekina ana taeka te Atua ni m'aneabaia I-Iutaia. Ao raoia Ioane b'a e buokiia n aia m'akuri.

M'akuri 16:12

ao maikekei nako Biribi, ae kawani moani m'akoroni M'aketonia, bon ana korone Rom. Ti tiku iai tabe bong.

M'akuri 16:9

E nora kaanga te mii B'auro e bong: e tei te aomata temanna ae te I-M'aketonia ni butiia, ao e kaangai, “Nako mai nako M'aketonia ni buokira!”

M'akuri 17:8

Ao a kiriwe nanoia aomata ma taan taua taekan te kaawa arei ngke a ongo taeka akekei.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

M'akuri 19:22

Ao e kanakoia uoman mai buakoia raona ake a buobuokia, are Timoteo ma Erateto nako M'aketonia, ao ngaia e tiku ni kamanna i Atia.

M'akuri 19:32

A mangao aomata: tem'angina a takaruaea te b'ai teuana, ao tem'angina te b'ai teuana, b'a a m'aiti i buakoia ake a aki ata bukin are a botaki iai.

M'akuri 20:34

Kam bon ataia b'a baiu aikai, ngaiia aika m'am'akuri ni kareke baika I kainanoi, ao ni kareke naba baika a kainanoi aomata ake a mena i rou.

M'akuri 20:4

Ao e iria Tobatero are natini Buro, are te I-Beroia; a iri naba Arititareko ma Tekunro ake I-Tetaronike, ma Kaio are te I-Rerebe, ma Timoteo, ao Tukiko ma Terobimo ake I-Atia.

M'akuri 21:30

A bane ni kiriwe kaain te kaawa, ao a biri ni botaki aomata ao a taua B'auro ni katikia nako mai nanon te Tembora; ao a bonotaki naba ngkekei mataroa.

M'akuri 21:38

“Tiaki te I-Aikubita arei ngkoe, are kateirakea te kiriwe i nanon taai aika b'aka nako, ao e kairiia angaa te aomata aika taan tiritiri n te biti nakon te rereua?”

M'akuri 27:2

Ao ti toka ni kaibuken Areramuteno tewaana, ae nangi borau nakon taabo n rooro i Atia, ao ti borau; ao raora Arititareko ae te I-M'aketonia mai Tetaronike.

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

1.I-Korinto 1:14

I kaitaua te Atua ngkai akea ae I b'abetitoia i buakomi b'a ti Kiritebo ma Kaio.

1.I-Korinto 4:9

B'a I taku n au iango b'a E a tia te Atua n anganira ngaira aika taan tuatua nera ae te kabanea mai buki, b'a kanga aomata ake a tia ni baireaki taekaia b'a a na kamateaki, ao ti riki b'a b'aai ni kamataku nakon te aonnaba nakoia anera ma aomata nako.

2.I-Korinto 8:19

ao tiaki ti aei, ma e a tia n rineaki naba irouia taian ekaretia b'a raora ni m'am'ananga n te m'akuri n akoi aei, ae ti tabe iai ngkai i bukin neboan te UEA, ao ni kaotira iai b'a ti kan i buobuoki.

I-Korote 4:10

E kamauringkami Arititareko ae raou ni kabaeaki, ma Mareko ae ai tarini B'arenaba (are kam a tia n anganaki te kaetieti i bukina, b'a ngkana e roko i roumi ao kam na m'aneia n akoia).

Biremon 1:24

ao a kamauriko naba Mareko, ma Arititareko, ma Tema, ma Ruka, aika raou ni m'akuri.

3.Ioane 1:1

Mairoun te unimm'aane nakoni Kaio ae tangiraki, ae I tangiria ni koaua.