M'akuri 19:16 - Te B'aib'ara

¹⁶ A ewekaki ngkanne iroun te aomata are iai i rouna te tamnei are buakaka, ao e konai aoia b'a e korakora nakoia. Ma ngaia are, a biri nako mai nanon te auti arei ma kunnikaia aika raeuaki, ao a ikoaki.

M'akuri 19:16 ပူးပေါင်းရင်းမြစ်များ

Mareko 5:15

Ao ngke a roko iroun Iesu, ao a nora teuare taniaki ngkoa irouia tamnei aika kam'ara b'a e tekateka ao e kunnikaia, ao e a aomata; ao a maaku.

Ruka 8:29

B'a E a tia Iesu n tuanga te anti are kam'ara b'a e na oti nako mai rouna. B'a e a m'aiti ana tai teuaei n taniaki iroun te anti arei; n taai ake e taniaki iai, ao e kabaeaki n taurekereke ma b'aai ni kabae wae, ma e urui b'aai ni kabaebae ao e kairaki nakon te rereua iroun te taimonio.

Ruka 8:35

A nako aomata b'a a na nora te baere e a tia n riki, ao a roko iroun Iesu, ao a nora te aomata are a tia n oti nako mai rouna taimonio, b'a e tekateka i rarikini waen Iesu: e kunnikainna ao e a eti ana iango; ao a maaku aomata.

M'akuri 19:15

Ma e kaekaia te tamnei are buakaka ni kaangai, “I ata Iesu, ao I ata naba B'auro; ma antai ngkami?”

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

M'akuri 3:8

Ao e ewe rake n tei, ao e nakonako, ao e rin ma uakekei n te Tembora, n nakonako ma n ewewe, ma ni karaoiroa te Atua.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.