M'akuri 18:26 - Te B'aib'ara

²⁶ ao e taetae teuaei n aki mamaku i nanoni m'aneabaia I-Iutaia. Ngke a ongora i rouna Akura ma Beritikira ao a weteia, ao a kab'arab'ara nakoina nanon te Atua i bukin te kawai are a riai n toua aomata, b'a e aonga n eti riki ana atatai iai.

M'akuri 18:26 ပူးပေါင်းရင်းမြစ်များ

Taeka n Rabakau 1:5

Ngkana kam'aa kaman wanawana, kam na manga wanawana riki. Ao ngkana kam birikatai, ao kam na manga rabakau n ataib'ai,

Taeka n Rabakau 25:12

E raoiroi riki te ongora n taeka n reirei nakon taiani b'ai ni katamaroa aika koora.

Taeka n Rabakau 9:9

Ngkana iai am iangoraoi, ao e na buokiko taian reirei ni karekea riki nanom ae e riai. Ao ngkana ko maiu raoi, e na buokiko te kamateb'ai ni konaa n ataa riki are i aona.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Ruka 19:26

“I taku nako imi b'a ane iai ana b'ai ao e na anganaki riki; ao ane akea ana b'ai ao e na anaaki mai rouna ane iai i rouna.

Ruka 24:27

Ao E kaotai nako ia nanon taeka ake a koreaki ni m'akoroni booki n te B'aib'ara, ake a kaeti nako Ina b'a taekana, ao E moanna man ana boki Moote ma aia boki burabeti.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

M'akuri 18:18

E kabatiai riki ana bong B'auro n tiku ma taari i Korinto, ao rimwi e kabo ma ngaiia, ao e borau ma Nei Beritikira ao Akura nako Turia; ao e korobuatau B'auro i Kengkirea i m'aini borauna, b'a kakoroan nanon ana taeka ni bau are e bae iai.

M'akuri 18:25

E a tia n reireiaki teuaei nanon te UEA i bukin te kawai are a riai n toua aomata, ao e taetae ma angin nanona, n reireiia aomata koaua aika eti aika taekan Iesu, e boni ngae ngke e ti atatai n ana b'abetito Ioane;

M'akuri 19:8

I nanon tenua nam'akaina ao e aki toki B'auro n rin ni m'aneabaia I-Iutaia, n taetae iai n aki mamaku, n tataekina uean te Atua b'a a aonga n anaaki nanoia aomata iai.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 8:31

Ao ngaia e taku, “N na kanga n ataia ngkana akea ae kab'arab'ara nanona nako iu?” Ao e butiia Biribo b'a e na tam'arake n tekateka i rarikina.

1.I-Korinto 12:21

Ao e aki kona ni kangai te mata nakon te bai, “I aki kainanoiko!” ke te atu nakon te wae ni kangai, “I aki kainanoingkami!”

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 8:2

Te aomata ane taku b'a e ata raoi te b'ai teuana, ao e bon tuai n ataia n ai aron are e riai n ataia;

Ebera 6:1

Ma ngaia ae ti na aki toki ni baike ti moa n reireiaki iai n taekan Kristo, ma ti na waki rake nakon reirei n ikawai; ao ti na tai manga titiku n taekani baika kam moa n reireiaki iai, ake taekan te rairan nano mani m'akuri aika akea uaaia, ao taekan onimakinan te Atua,

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.