M'akuri 18:24 - Te B'aib'ara

²⁴ E roko i Ebeto te I-Iutaia temanna ae arana Aboro, ae bungiaki i Arekanria. Te tia taetae ngaia ae rabakau, ao e rangi n atatai n te B'aib'ara.

M'akuri 18:24 ပူးပေါင်းရင်းမြစ်များ

Etira 7:12

Te Kamauri mairoun te uea ae Atatokititi nakon Etira are te ibonga, ao te aomata ae e atatai n ana reirei te Atua are i karawa.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Te Otinako 4:10

Ao e kaeka Moote ni kaangai, “I bon aki tau n taetae. I tuai man riki b'a te tia taetae i m'aain ae ko taetae nako iu, ao I tuai naba ngkai. I wiiremwe n taetae, ao I aki konaa n iangoa te b'ai ae N na taekinna.”

Itaia 3:3

mataniwi ao taani iango, taani kaiwa, ao koraki riki tabeua ake a konaa n taekin kanoan boong aika a na roko.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Ruka 24:19

Ao Ngaia E kangai nako ia, “Ae b'aai baikara?” Ao a kaeka ni kangai, Ae taekan Iesu are te I-Natareta, are kaota aroni kakoauana, ni baika E karaoi ao n ana taeka, b'a te burabeti Ngaia i matan te Atua ma aomata ni kabaneia.

M'akuri 18:19

A roko i Ebeto, n te tabo are a kitanaki iai Beritikira ma Akura irouni B'auro. E nako B'auro n rin ni m'aneabaia I-Iutaia, ao e reireiia I-Iutaia.

M'akuri 18:21

ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 18:28

b'a n ana imanono ao e konai aoia I-Iutaia n aia kauntaeka i mataia aomata, ngke e kaotaia man te B'aib'ara b'a bon te Kristo Iesu.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

M'akuri 27:6

E reke iai taekan te kaibuke tewaana mai Arekanria are e nangi borau nako Itare irouni mataniwin te taanga ni buaka are tebubua kaaina, ao e katokaira iai.

M'akuri 6:9

Ao a kauntaeka ma Tetebano aomata tabem'aang aika kaain te m'aneaba are aranaki b'a m'aneabaia Aomata aika Inaomata, aika I-Iutaia mai Kurene, ao mai Arekanria, ni botaki ma I-Iutaia mai Kirikia ao mai Atia.

M'akuri 7:22

Ao e reirei Mote n aia rabakau ni kabane I-Aikubita, ao e riki b'a te aomata ae rangi n rabakau n te aro n taetae, ao n te m'akuri.

1.I-Korinto 1:12

Ae I nanonna n au taeka aei bon aei: b'a kam kangai n tatabemaningkami nako, “Raoni B'auro ngai”; ke, “Raon “Aboro ngai”; ke, “Raoni Keeb'a ngai”; ke, “Raoni Kristo ngai.”

1.I-Korinto 16:12

Ao i bukin tarira are Aboro: I kairoroa b'a e na nako imi ma taari aikai, ma akea nanona ni kan nako imi ngkai. E a bon tai nakowati ngkana e reke ana tai.

1.I-Korinto 4:6

Ao baikai, taari, I a tia ni kabonganai b'a taekau ma Aboro i bukimi, b'a kam aonga n reireiaki iai i roura nanon te taeka are kangai: “Tai ri aon taeka ake a koreaki.” b'a kam aonga n aki kamoamoa temanna b'a e raoiroi riki nakon temanna.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

Tito 3:13

Ko na buoka Tena are te rooia ma Aboro, b'a a aonga ni waekoa ni m'ananga, ao taraia b'a a na akea te bae a na kainanoia.