M'akuri 17:30 - Te B'aib'ara

³⁰ Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

M'akuri 17:30 ပူးပေါင်းရင်းမြစ်များ

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Itaia 21:12

Ao I kaeka man te boua are au tabo n tei ni kaangai, “E na waekoa n roko te ngaina, ma e na manga oki naba te tairiki. Ngkana ko kan ataia riki, ao ko a manga oki riki rimwi.”

Mataio 20:7

A taku nako ina, ‘B'a akea ae kam'akurira.’ E taku nako ia, ‘Kam na nako naba nakoni nnen te kureebe.’

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mareko 1:15

Ao E taku, “E a koro raoi te tai, ao e a kaan Uean te Atua! Rairi nanomi ao onimakina te euangkerio!”

Mareko 6:12

Ao uakekei a nako ao a reireiia aomata b'a a na rairi nanoia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

I-Rom 3:23

B'a akea te kakaokoro; b'a a bane ni bure aomata nako, ao e aki reke i rouia te neboaki are a na anganaki iroun te Atua.

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

2.I-Korinto 7:10

B'a te rawawata are kaeti ma nanon te Atua e karika rairan te nano nakon te maiu, ao akea te nanokawaki ae na reke i mwina; ma rawawatan aon te aba e karika te mate.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.