M'akuri 17:28 - Te B'aib'ara

²⁸ b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

M'akuri 17:28 ပူးပေါင်းရင်းမြစ်များ

Iobi 12:10

Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Taian Areru 36:9

Mai Roum koburaken te maiu; ao ti nora te oota i bukin ootam.

Taian Areru 66:9

E a tia ni kateimatoai maiura, Ao E a tia ni kawakiniira b'a ti na aki b'aka.

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ruka 20:38

B'a te Atua tiaki Atuaia ake a mate, ma Atuaia ake a maiu; b'a iroun te Atua, a bane ni maiu.”

Ruka 3:38

are natin Enoti, are natin Teta, are natin Atam, are natin te Atua.

Ioane 11:25

E taku Iesu nakoina, “Boni Ngai te manga-maiu ao te maiu; ane onimakinai ao e na boni maiu, e ngae ngkana e a mate:

Ioane 5:26

B'a aron te Tama ngkai Ngaia oin te maiu, ao ai aron naba te Nati: b'a E a tia te Tama ni karaoia b'a oin te maiu,

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

I-Korote 1:17

Iai Ngaia i m'aini b'aai ni kabane, ao a nako raoi aroni b'aai ni kabane n reitaki i Rouna.

Tito 1:12

E taku raoia temanna, ae bon aia burabeti, “A aki toki ni b'aina te kewe I-Kirete, boni maan ni kaakang aika aki manana, ao te koraki ni buabeka aika aki m'am'akuri.”

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?

Ebera 2:11

B'a Iesu ni botaki ma ake a riki n tabu maiuia i Rouna b'a ana b'ai te Atua a bane n nako man te oi ae ti teuana. Ma ngaia ae E aki mamaa n atongiia b'a tarina,

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.