M'akuri 17:15 - Te B'aib'ara

¹⁵ Ao aomata ake a ira B'auro a karokoa i Atenai; ao a nako ngke e reke irouia ana taeka B'auro i bukin Tira ma Timoteo are a na tuangaki b'a a na barekia n nakoina.

M'akuri 17:15 ပူးပေါင်းရင်းမြစ်များ

M'akuri 15:3

Ma ngaia are, ngke a kanakoaki iroun te ekaretia, ao a ri nuukani Boinike ma Taamaria, ni karakin taekan rairan nanoia aomata ake tiaki I-Iutaia; a rangi ni kim'areirei taari i rouia ngke a ongo arei.

M'akuri 17:14

Ma ngaia are, e a kawaekoaki ngkanne ni kanakoaki B'auro irouia taan onimaki nakon te tabo are e mena tari iai; ma e tiku Tira ma Timoteo i Beroia.

M'akuri 17:16

Ao ngke e taningaia B'auro i Atenai, ao e kamarakaki atuna ngke e nora te kaawa b'a a bati bouananti n tei i aona.

M'akuri 17:21

B'a anuaia I-Atenai ni kabaneia, ma iruwa ake a maeka i Atenai, bon ti te kabanea aia tai ni karakin rongorongoni baika boou ao te ongongora iai.

M'akuri 17:22

E tei ngkanne B'auro i mataia kaain te kabowi n te Areiobako, ao e kaangai, Mm'aane aika I-Atenai, I noringkami n aromi nako b'a kam rangi n reitaki ma antimi.

M'akuri 18:1

I mwini baikekei ao e kitana Atenai B'auro, ao e nako Korinto;

M'akuri 18:5

Ngke a roko Tira ma Timoteo mai M'aketonia, ao akea ana m'akuri B'auro b'a ti te tataekina ana taeka te Atua, ni kaota raoi nakoia I-Iutaia b'a bon te Kristo Iesu.

1.I-Tetaronike 3:1

Ma ngaia arei, ngke ti aki kona ni kamaniira riki n taon nanora, ao ti a kukurei b'a ti na kitanaki i Atenai n ti ngaira;

Tito 3:12

Ngkana I kanakoa Aretema nako im, ke tao Tukiko, ao ko na bareiko ni kawarai i Nikobori; b'a I a tia ni baireia b'a N na kabanea bongin te aumeaang iai.