M'akuri 16:33 - Te B'aib'ara

³³ Ao e kaira B'auro ma Tira n aoan te tairiki naba anne, ao e teboki mwini kaiia; ao e a b'abetitoaki naba ngkekei ma kaain ana auti ni kabaneia.

M'akuri 16:33 ပူးပေါင်းရင်းမြစ်များ

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Mataio 3:6

A b'abetitoaki i rouna n te karaanga are te Ioretan, ngke a kaoti aia bure.

Ruka 19:9

Ao E taku Iesu nako ina, “E a kamaiuaki te utu aei n te bong aei b'a ngaia natin naba Aberaam teuaei.”

M'akuri 16:15

E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

M'akuri 16:23

I mwini kaia n oreaki ae bati, ao a kaakiia i nanon te karabuuti, ao a tuanga te tia kawakinia buure b'a e na teiakiniia raoi;

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

M'akuri 16:32

Ao a taekina ana taeka te Atua nakoina, ao nakoia naba kaain ana auti ni kabaneia.

1.I-Korinto 1:16

I b'abetitoia naba kaain ana auti Tetebano; ao I a aki uringnga b'a iai riki ae I b'abetitoia ke akea.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;