M'akuri 16:3 - Te B'aib'ara

³ E tangiria B'auro b'a e na kairiia b'a raona, ma ngaia are e korotabonim'aneia. E karaoa aei B'auro i bukina b'a a bane n ataia I-Iutaia ake a maeka n taabo akekei b'a te I-Erene taman Timoteo.

M'akuri 16:3 ပူးပေါင်းရင်းမြစ်များ

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

M'akuri 15:37

Ao B'arenaba e kani kaira Ioane, are arana teuana Mareko.

M'akuri 15:40

ma B'auro e rinea Tira, ao a nako, ngke a tia ni mwiokoaki taekaia nako nanoni bain te UEA, b'a a na kakab'aiaki n ana akoi.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

1.I-Korinto 9:20

Ngkana I m'akuri i buakoia I-Iutaia, ao I riki n ai aroia I-Iutaia, b'a a aonga n riki ni Kiritian; ao e boni ngae ngkana I aki mena i aan te Tua, ma I riki n ai aron ae I mena i aan te Tua, b'a a aonga n riki ni Kiritian te koraki ake a mena i aan te Tua.

I-Karatia 2:3

Ma e aki kairoroaki Tito, are raou, b'a e na korotabonim'aneaki, e boni ngae ngke te I-Erene ngaia.

I-Karatia 2:8

B'a Teuare m'am'akuri i nanoni Betero i bukin te nakoa n tuatua nakoia aomata ake a korotabonim'aneaki E m'am'akuri naba i nanou nakoia aomata aika tiaki I-Iutaia;

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Biribi 2:22

Ma kam bon ata aroni manenan Timoteo. E a tia ni m'akuri ma ngai, n ai aron te nati are m'akuri ma tamana, b'a te toro i bukin te euangkerio.