M'akuri 16:17 - Te B'aib'ara

¹⁷ E irira ma B'auro, ao e aki toki n takarua ni kaangai, “Ana toro te Atua are Moan te Rietaata aomata aikai, ao a kaota te kawai ni kamaiu nako ira!”

M'akuri 16:17 ပူးပေါင်းရင်းမြစ်များ

Taian Areru 57:2

I tataro nakon te Atua are Moan te Rietaata, are te Atua ae karekei b'aai ni kabane aika e kai nanou iai.

Taian Areru 78:35

A uringa ae te Atua are Moan te M'aaka bon te tia kamanoia, Ao E a tia ni buokiia.

Taniera 3:26

Ao e m'ananga Nebukaneta nako rarikin te ai ao e takaarua ni kaangai, “Tiateraka, Metiaka ao Abeteneko aika Ana toro te Atua ae moan te m'aaka! Otinako.” Ao a otinako naba n te tai arei.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 4:2

Kam na ongora nakon au rongorongo aika taekan kakai aika a kamimii are E a tia ni karaoi te Atua ae moan te m'aaka nako iu.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Taniera 5:21

E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Iona 1:9

Ao e kaeka Iona, “te Ebera ngai, ao I taromauria te UEA ae Atuan karawa, ae E karaoa aonnaba ma marawa.”

Mika 6:6

Tera uotau nakon te UEA ae Atuan karawa, ngkana I roko n taromauriia? E koaua b'a N na uotii kao ataei ma ni kabuokii b'a taiani karea nakoina?

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Mareko 12:14

A roko i Rouna ao a taku, “Te Tia Reirei, ti ataia b'a ti te taekina te koaua Ngkoe ao Ko aki kona ni katabea am iango n aia iango aomata. E aki anaaki nanom n taraan aroia aomata, ma Ko reirei te koaua ae kaeti ma nanon te Atua i bukiia aomata. E eti ma taekan te tua b'a ti na anga ara taekiti nakon te uea n Rom, ke e aki?”

Mareko 5:7

ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”

Ruka 1:77

Ko na kaotia nakoia ana aomata b'a a na kamaiuaki iroun te Atua ni kab'araan aia bure.

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ruka 20:21

Ao a titirakinna ni kangai, “Te Tia Reirei, ti ataia b'a Ko taetae ao Ko reirei n te aro ae eti; ko aki nanonano, ao Ko reirei ana tua te Atua n te koaua.

Ruka 4:34

“A! Tera am b'ai i roura, Iesu ae te I-Natareta? Ko nako mai b'a Ko na uruira? I kinako b'a Teuare Raoiroi, are mairoun te Atua.”

Ruka 4:41

A oti nako naba taimonio mairouia aomata aika bati, ao a takarua ni kangai, “Bon Natin te Atua Ngkoe!” Ma E takuia b'a a na akea te b'ai ae a na taekinna, i bukina b'a a ataia n ae te Kristo Ngaia.

Ruka 8:28

Ngke e nora Iesu, ao e takaarua ao e b'aka i matana, ao e kangai n te b'ana ae korakora, “Tera am b'ai i rou, Iesu, are Natin te Atua are Moan te Rietaata? I butiko b'a Ko na aki kamarakai!”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

M'akuri 18:26

ao e taetae teuaei n aki mamaku i nanoni m'aneabaia I-Iutaia. Ngke a ongora i rouna Akura ma Beritikira ao a weteia, ao a kab'arab'ara nakoina nanon te Atua i bukin te kawai are a riai n toua aomata, b'a e aonga n eti riki ana atatai iai.

M'akuri 19:13

Iai I-Iutaia tabem'aang aika nanakonako ni kanakoia naba tamnei aika bubuaka n aia tabunea. A kabongana aran te UEA are Iesu nakoia aomata ake iai i rouia tamnei aika bubuaka, ao a kaangai, “Ti tuangngkami iroun Iesu are e tataekinna B'auro!”

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 2:2

Ao ane a na m'aiti aomata aika na kakairi i rouia n tam'are; ao i bukin aroia anne, ao e na kabuakakaki iai te koaua ni Kristian.