M'akuri 16:14 - Te B'aib'ara

¹⁴ E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 16:14 ပူးပေါင်းရင်းမြစ်များ

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Ana Anene Toromon 5:4

Ao e kaaenakoa baina raou ae e tangiraki b'a e na kanakoa rokan te mataroa, ao I kaantaninga inanou.

Itaia 50:5

E karaoai b'a N na kakauongo ma n aki mangao ke ni biri nako.

Ruka 24:45

Ao E buoki aia iango b'a a aonga n ata nanon are koreaki n te B'aib'ara;

Ioane 12:20

Iai I-Erene tabem'aang i buakoia aomata ake a nako Ierutarem b'a a na taromauri n tain te Toa are te Riao.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 11:21

A buokaki ni m'aakan te UEA, ao a onimaki aomata aika bati, ao a rairaki nakon te UEA.

M'akuri 13:43

Ngke e a b'ara nako te botaki arei, ao a iraki B'auro ma B'arenaba irouia I-Iutaia aika bati ma aomata aika kakaonimaki nakoni karaoan ana kaantaninga te Atua, aika a tia n riki b'a kaain te Aro n I-Iutaia. E taetae B'auro ma B'arenaba nakoia, ni kairoroia b'a a na kairaki maiuia n taai nako n ana akoi te Atua.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 16:40

A oti nako ngkanne man te karabuuti, ao a nako n rin n ana auti Ruria; ao ngke a nooriia taari, ao a kaungai nanoia, ao a nako.

M'akuri 18:7

E kitana ikekei ao e nako n ana auti te aomata ae arana Titio Iouteto, ae tataromauria te Atua; e kaan ana auti ma m'aneabaia I-Iutaia.

M'akuri 8:27

Ao ngaia e katauraoia, ao e nako. Ao noria, te aomata temanna, ae te I-Itiobia, ae te iunaki, ae rietaata nakoana irouni Kantake, are te uea n aine i Itiobia, ae te tia kawakini mwin ana b'ai nako neierei aika kakawaki, e a tia n roko i Ierutarem b'a e taromauri iai,

I-Rom 9:16

Ma ngaia ae ana rinerine te Atua e boboto i aon ti nanona n nanoanga, ma tiaki i aon aron te aomata b'a tera are e tangiria ke e karaoia.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.