M'akuri 15:40 - Te B'aib'ara

⁴⁰ ma B'auro e rinea Tira, ao a nako, ngke a tia ni mwiokoaki taekaia nako nanoni bain te UEA, b'a a na kakab'aiaki n ana akoi.

M'akuri 15:40 ပူးပေါင်းရင်းမြစ်များ

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 13:3

Ma ngaia are, ngke a tia n aki mamatam, ao a tia naba n tataro, ao a katokai baiia i aoia, ao a kanakoia.

M'akuri 14:26

ao a borau mai iai nako Antioka, ike a tia ni mwiokoaki iai rimoa nako nanoni bain te Atua, b'a a na kairaki n ana akoi i bukin te m'akuri are a tia ngkai ni karaoia.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 15:32

A kaungaia naba taari Iuta ma B'auro n taeka aika bati, ngkai boni burabeti naba ngaiia, ao a kakorakorai nanoia.

M'akuri 16:19

Ngke a noria ana toka b'a e a bua te baere a onimakinna i bukin rekeni kaub'aia, ao a taua B'auro ma Tira, ni katikiia nakon te tabo ni m'akete nakoia taan-tautaeka.

M'akuri 17:4

Iai tabem'aang i buakoia aika a anaaki nanoia, ma ngaia are a raona B'auro ma Tira; ao a raonaki naba irouia I-Erene aika bati aika tataromauria te Atua, ao irouia aine aika bati aika kakannato.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

2.I-Korinto 13:14

E na mena i roumi ni kabaneingkami ana akoi te UEA are Iesu Kristo, ma ana tangira te Atua, ma ana raorao te Tamnei are Raoiroi.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Tito 3:15

A bane ni kamauriko aomata aika mena i rou. Ko na anga ara kamauri nakoia ake a tangirira n te onimaki. E na mena te akoaki i roumi ni kabaneingkami.