M'akuri 15:29 - Te B'aib'ara

²⁹ kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

M'akuri 15:29 ပူးပေါင်းရင်းမြစ်များ

Karikani B'aai 9:4

Te b'ai teuana ae kam aki riai ni kanna, bon te iriko ni man ae iai te raraa i nanona. I katabua te b'ai aei i bukina b'a e mena te maiu i nanon te raraa.

Nakoaia Ibonga 17:14

E mena maiuia b'aai ni kabane n te raraa. Ma ngaia are, te UEA E a tuangiia Iteraera b'a a na aki kana irikon te man, ngkana a tuai moa ni kaaki raraana. Ane karaoa aei, ao e na aki atongaki b'a ana aomata te Atua.

Ruka 9:61

E a manga taku temanna, “N na iririko, te Uea; ma kariaiai moa b'a N na nako ni kabo ma kaaini mwengau.”

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

M'akuri 18:21

ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 21:25

Ma ti a tia ni korea ara reta nakoia aomata ake tiaki I-Iutaia, ake a tia n onimaki, ni kaota ara baire b'a a na kawakinia mani kanakin am'arake ake a tia ni kareanaki nakoni bouananti; ao a na kawakinia naba man te kangi raraa, ao mani kanakiia maan aika mate b'a a koonaki roroaia, ao man te wene ni bure.

M'akuri 23:30

Ao ngke I tuangaki b'a e nang kam'aruaki te aomata aei irouia I-Iutaia tabem'aang, ao I kawaetata ni kanakoa nako im, ao I tuangiia naba ake a kabuakaka b'a a na taekini baike a bukinna iai i matam.

2.I-Korinto 11:9

Ngke I mena i roumi ao I bon aki karawawata temanna ngkana iai te b'ai ae I kainanoia: b'a te bae I kainanoia e a reke mairouia taari ake a nako mai M'aketonia. I a tia ni kawakinai b'a N na aki riki b'a te b'ai ni karawawata ngai nako imi ni b'aai ni kabane, ao N na manga boni kawakinai naba maiai.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

Te Tua-Kaua 12:16

ao kam kona ngkanne n tiringa temanna b'a kanami n te tabo are kam maeka iai.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

1.Ioane 5:21

Ataei aika kam uarereke, kam na kawakiningkami n taua raroami mani bouannanti.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;