M'akuri 15:28 - Te B'aib'ara

²⁸ B'a e tara n tamaroa nakon te Tamnei are Raoiroi, ao nako ira naba b'a ti na aki katokaa riki te uota i aomi ae rawawata, ma ti baikai aika riai:

M'akuri 15:28 ပူးပေါင်းရင်းမြစ်များ

Mataio 11:30

B'a e aoraoi amou, ao e bebete uotau.”

Mataio 23:4

A kabaei uota aika rawawata, ao a kaki i aon angaia aomata; ma ngaiia a rawa ni kani kam'aing n tabonibaia naba teaina.

Ioane 16:13

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

M'akuri 15:19

Ma ngaia ae I taku ngai b'a ti na aki kumeia ake a rairaki nakon te Atua mai buakoia aomata ake tiaki I-Iutaia.

M'akuri 15:25

Ao e tara n tamaroa nako ira, ngkae e reke nanora ae ti teuana, b'a e riai b'a ti na rineia aomata ni kanakoia nakoimi, ma raora aika tangiraki are B'arenaba ma B'auro,

M'akuri 15:8

Ao te Atua, are atai naano nako, E kaota aroni butim'aeaia aomata aika tiaki I-Iutaia i rouna ngke E anganiia te Tamnei are Raoiroi, n ai arona naba ngke E anganira;

M'akuri 16:4

Ao ngke a kabuta kaawa nako uakekei, ao a anganiia ekaretia taeka ake a motikaki irouia taan tuatua ma unimm'aane ake a mena i Ierutarem b'a a na tauu.

M'akuri 5:32

Ao bon taan tataekini baikai ngaira, n ai aron naba te Tamnei are Raoiroi, are E a tia n anga te Atua nakoia ake a ira nanona.

1.I-Korinto 14:37

Ngkana e taku temanna b'a te burabeti ngaia, ke e taku b'a iai i rouna te b'ai n tituaraoi are mairoun te Tamnei, ao ke e ataia b'a baika I koroi taekaia nako imi bon te tua mairoun te UEA;

1.I-Korinto 7:25

I bukiia ngkanne ateiaine: akea ana taeka te UEA i rou i bukiia, ma N na kaota au iango n ai aron temanna ae nanoangaki iroun te UEA, ao e onimakinaki.

1.I-Korinto 7:40

Ma I taku b'a e a kab'aia riki ngkana e aki manga mare; ao I taku naba b'a I kairaki n au iango aikai iroun Tamnein te Atua.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

Te Kaotioti 2:24

“Ma ngkami, akana nikiraia ami koraki i Tuateira, akana kam aki toua mwin te reirei ae buakaka aei, akana kam aki atai baikana a atongaki irouia tem'angina b'a ana b'ai Tatan aika nano, I aki kani kaaki riki te rawawata teuana i aomi.