M'akuri 15:20 - Te B'aib'ara

²⁰ Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

M'akuri 15:20 ပူးပေါင်းရင်းမြစ်များ

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

Karikani B'aai 9:4

Te b'ai teuana ae kam aki riai ni kanna, bon te iriko ni man ae iai te raraa i nanona. I katabua te b'ai aei i bukina b'a e mena te maiu i nanon te raraa.

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Etekiera 33:25

Ma ngaia are, ko na tuangiia te b'ai ae I taekinna ni kaangai: Kam na kangaa n taku b'a bon abami naba ngkai te aba aei? Kam am'arake ma te raraa iai ao kam taromauri taiani bouannanti. Kam tiriaomata

Etekiera 4:14

Ao I taku, “Te Atua, taiaoka Ko na aki kariaia b'a N na karaoa anne! I bon tuai man kang am'arake aika N na riki iai n aki tau i matam. I tuai man kang b'aai aika a mate i bon irouia ke n tiringaki irouia maan aika a aki manana ke aika ko taku b'a a aki itiaki.”

Taniera 1:8

Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Nakoaia Ibonga 18:6

E anga kaetieti aikai te UEA. Ko na tai iein ma am koraki.

Nakoaia Ibonga 19:26

Tai kana irikon man aika kawakawa n aki akaaka. Tai karaoi m'akuri n tabunea.

Nakoaia Ibonga 3:17

Bon akea temanna te Iteraera ae na kana te nenea ke te raraa: bon aio te tua ae a na kakawakinna Iteraera ni kabane n taai nako, ao n taabo nako ike a maeka iai.

Warekaia Iteraera 25:2

Ao a kaoiia mm'aanen Iteraera aine aikai nakon taian botaki ike e anga te aba iai taiani karea nakon antiia. Ao a kang taian iriko mm'aane ake a reke man taiani karea, ao a taromauri antin Moaba.

M'akuri 15:29

kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

M'akuri 21:25

Ma ti a tia ni korea ara reta nakoia aomata ake tiaki I-Iutaia, ake a tia n onimaki, ni kaota ara baire b'a a na kawakinia mani kanakin am'arake ake a tia ni kareanaki nakoni bouananti; ao a na kawakinia naba man te kangi raraa, ao mani kanakiia maan aika mate b'a a koonaki roroaia, ao man te wene ni bure.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 7:2

Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 5:19

A bon ataaki ana m'akuri nako te rab'ata, b'a te wene ni bure, te kammaira, te kaitataan,

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

Te Tua-Kaua 12:16

ao kam kona ngkanne n tiringa temanna b'a kanami n te tabo are kam maeka iai.

Te Tua-Kaua 14:21

Kam na b'ainaki iroun te UEA ae Atuami, ma ngaia are, ngkana kam kuba ni kunea te man ae mate, ao kam na aki kana irikona. Kam na anganiia ianena ake a maeka i abami, ke kabooa nakoia ianena akana roko i abami. Kam na aki kaburoa te kooti teteei i nanon rannimamman tinana.

Te Tua-Kaua 15:23

Ma kam na bon aki kana raraan te man, katinakoa raraana nako aon tano.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.I-Tetaronike 4:3

B'a aio nanon te Atua i bukini katabuani maiumi b'a ana b'ai: kam na rawa nakon te wene ni bure;

Ebera 12:16

E na aki riki temanna b'a te tia wene ni bure, ke te tia kam'araai baika tabu aika ana b'ai te Atua, n ai aron Etau are anga nako baika kakawaki n reitaki ma arona ni karimoa i bukin te am'arake ae ti teuana taina ni kanaki.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

Te Kaotioti 10:2

Iai te niira ni boki ae uarereke ae uki i nanoni baina; ao e kaaki waena are ataina i aoni marawa, ao waena are maingina i aon te aba.

Te Kaotioti 10:8

Ao e a manga taetae naba nako iu te b'anaa are I ongo are roko mai karawa, ao e kaangai, “Ko na nako n anaa te niira ni boki are uki are i nanoni bain te anera are tei i aoni marawa ao i aon te aba.”

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;

1.Tamuera 14:32

Ao a anai am'arake ake a anai mairouia kaain Biritia ao a am'arake. Ao a bon tiringi naba taian tiibu ao kaao ao taiani bunnikao i aon te tano ma ni kang ao a aki katinakoa moa raraaia i aon te tano.

1.Tamuera 14:33

Ao e tuangaki Tauro iroun temanna ni kaangai, “Nooria! A tia n aki ongotaeka te taanga ni buaka nakon te UEA ni kana te iriko ni man i m'aain katiinakoan te raraa.”