M'akuri 15:17 - Te B'aib'ara

¹⁷ B'a a na ukoukora te UEA nikiraia aomata, ni botaki ma Tientaire, ake I a tia n atongiia b'a oin au b'ai.

M'akuri 15:17 ပူးပေါင်းရင်းမြစ်များ

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 43:7

Bon au aomata I karikiia n tatabemaniia nako b'a a na karineai.”

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Itaia 65:1

I tauraoi Ngai ae te UEA ni kaekaia naba aika a aki buubuti aika a aki kakaae. Bootanaomata aika kam rawa n taromauriai, I taku nakoia, “Aio Ngai!”

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Taniera 9:19

Te UEA, ongo iroura, te UEA, kab'arai ara bure. Te UEA, ongo iroura, ao kamaiura b'a a aonga n ataia aomata nako b'a bon te Atua ngkoe, tai waeremwe! Bon am b'ai te kaawa aei ma aomata aikai.”

Otea 2:23

N na kaamae n uniki taian ati ao ni kaota te nanoanga nakon Roo-Ruam'a. N na kaangai nakon Roo-Ammi, “Bon Au aomata ngkami,” ao a kaeka ni kaangai, “Atuara Ngkoe.”

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Amota 9:12

b'a a na manga rawea nikiran aban Etom aomatan Iteraera b'a abaia, ao a na tautaekaniia botannaomata b'a Au aomata. Bon Ana taeka te UEA ae E na karaoi baikai.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 24:23

Ma bon akea ae na kona ni maiu ngkana e bairea ana urub'ai te Atua.

Warekaia Iteraera 6:27

Ao E taku te UEA, “Ngkana a butiai Aaron ma natina mm'aane i bukin kakab'aiakiia Iteraera, ao N na anganiia Au kakab'aia.”

Te Tua-Kaua 28:10

Ao ane a na ataia aomata ni kabane n te aonnaba b'a ana Aomata te UEA ngkami, ao ane a na maakuingkami.

Iakobo 2:7

Tiaki ngaiia ake a taetaebuaka te ara are raoiroi are kam a tia n anganaki?