M'akuri 14:17 - Te B'aib'ara

¹⁷ ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

M'akuri 14:17 ပူးပေါင်းရင်းမြစ်များ

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

Neemia 9:25

A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Iobi 36:31

Ao bon aei arona ni kam'arakeia aomata ma ni kataubobongai am'arake aika rangi ni m'aiti.

Iobi 37:6

E baairea kab'akaan te tinoo i aonteaba, ao E kanakoa te raanga ni karau ae korakora.

Iobi 5:10

E kanakoa te karau nako aonteaba, ao E teboki taian tawaana.

Taian Areru 145:9

E raoiroi te UEA ao E nanoanga nakoia aomata ma b'aai ni kabane aika E kariki.

Taian Areru 4:7

Ko kaaki te kim'areirei i nanou, Ae e m'aiti riki nakoni kim'areireia ngkana a kabatiaki aia uita ma aia wain.

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 40:21

Ko tuai man ataia? Ko tuai man ongongo, E bon aki teretere raoi b'a bon te Atua ae e karika te aonnaba?

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Nakoaia Ibonga 26:4

ao N na kab'aka te karau n te aro b'a a na rikirake arokami ao ami kai nako a na kariki uaa.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

M'akuri 14:18

A boni ngae n tabeki taeka aika ai aron akekei taan tuatua, ma a kuri n aki konaia aomata n tukiia b'a a na aki anga karea.

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.

Te Tua-Kaua 11:14

ao E na karokoa te karau ni bon tain te karau, ma ngaia are, a na reke kanami, ma ami wain, ao b'aan te oriwa aika m'aiti, ao a na m'aiti naba taiani uteute i bukiia ami nanai ni man.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.