M'akuri 13:50 - Te B'aib'ara

⁵⁰ Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 13:50 ပူးပေါင်းရင်းမြစ်များ

1.Uea 21:25

Akea te aomata n aron Aaba, ae e kabonakoa i bukin karaoan te buakaka i matan te UEA, ao ni kairoroaki iroun buuna ae Ietebera.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Amota 7:12

E taku Am'atia nakon Amota, “E a bati n tau anne te burabeti! Naako okira abam are Iuta ao taetae ni burabeti iai, ao anaa boom irouia.

Mataio 10:23

Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Mareko 15:43

ao e roko Ioteb'a ae te I-Arimataia, ae temanna ngaia ae kakannato b'a kaain te Kauntira, ae kaantaninga naba rokon Uean te Atua. E nako ni Birato ma te aki maaku, ao e butiia rab'atan Iesu.

Mareko 5:17

A butiia Iesu b'a E na kitana abaia.

M'akuri 13:43

Ngke e a b'ara nako te botaki arei, ao a iraki B'auro ma B'arenaba irouia I-Iutaia aika bati ma aomata aika kakaonimaki nakoni karaoan ana kaantaninga te Atua, aika a tia n riki b'a kaain te Aro n I-Iutaia. E taetae B'auro ma B'arenaba nakoia, ni kairoroia b'a a na kairaki maiuia n taai nako n ana akoi te Atua.

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:2

Ma I-Iutaia ake a aki onimaki a kakiriwei nanoia aomata ake tiaki I-Iutaia, ao a kananobuakaiia nakoia taari akekei.

M'akuri 14:4

E a riki te iraraaure irouia kaain te kaawa arei: a tei tem'angina i bukiia I-Iutaia, ao tem'angina a tei i bukiia taan tuatua.

M'akuri 14:5

A reke nanoia I-Iutaia ma ake tiaki I-Iutaia ma aia tia tautaeka nako b'a a na b'ainikirina B'auro ma B'arenaba ma ni karebanaia.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 17:12

Ma ngaia are, a bati i buakoia aika onimaki, ni botaki ma aine n Erene aika bati aika kakannato, ma mm'aane naba aika bati.

M'akuri 17:13

Ma ngke a ataia I-Iutaia ake i Tetaronike b'a e taekinaki naba ana taeka te Atua irouni B'auro i Beroia, ao a roko naba iai n aki karauia aomata, ao ni kakiriweia.

M'akuri 17:17

Ma ngaia are, e kauntaeka ni m'aneabaia I-Iutaia ma I-Iutaia ao aomata aika tiaki I-Iutaia aika tataromauria te Atua; ao e kauntaeka naba n te tabo ni m'akete n te bong ae koraki ma aomata ake a rikekei.

M'akuri 17:4

Iai tabem'aang i buakoia aika a anaaki nanoia, ma ngaia are a raona B'auro ma Tira; ao a raonaki naba irouia I-Erene aika bati aika tataromauria te Atua, ao irouia aine aika bati aika kakannato.

M'akuri 18:7

E kitana ikekei ao e nako n ana auti te aomata ae arana Titio Iouteto, ae tataromauria te Atua; e kaan ana auti ma m'aneabaia I-Iutaia.

M'akuri 2:5

Iai i Ierutarem I-Iutaia aika rangi n taua te Aro n Iutaia; a roko man aaba nako i aonnaba.

M'akuri 21:27

Ngke a kani koro boong ake itibong, ao a nora B'auro I-Iutaia ake kaain Atia i nanon te Tembora. A kakiriweia aomata ni kabaneia, ao a taua B'auro.

M'akuri 28:17

I mwin tenibong, ao e kaoiia ake a kakannato i buakoia I-Iutaia B'auro b'a e na maroroo ma ngaiia; ao ngke a botaki, ao e taku nakoia: Mm'aane, taari, e boni ngae ngke akea te bae I karaoia n eekaanako iai au botannaomata ma aia katei ara bakatibu, ao I a tia ni kanakoaki mai Ierutarem nako nanoni baiia I-Rom b'a te bure ngai.

M'akuri 6:12

A kauniia aomata, ma unim'aane, ma taani koroboki, ao a taua Tetebano ma te matoa, ni kairia nakon te Tanirim;

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

I-Rom 10:2

B'a I kakoauaia ae a babane nanoia nakon te Atua, ma akea aia atatai

2.I-Korinto 11:26

Ni m'am'anangau aika bati ao I kaitara ma kanganga aika I kuri ni kabuanib'ai iai, aika kanganga man taiani karaanga, mairouia taani kam'arua, mairouia au botannaomata, mairouia aomata aika tiaki I-Iutaia, man te kawa, i nanon te rereua, i marawa, mairouia taari ni kewe;

1.I-Tetaronike 2:14

Taari, kam riki ni katotongiia ana ekaretia te Atua i Iutaia, aika ana aomata Kristo Iesu, i bukina b'a kam a tia ni b'ainikirinaki naba irouia ami aomata ni baika ti te bo aroia ma ake a b'ainikirinaki iai irouia I-Iutaia;

2.Timoteo 3:11

ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.