M'akuri 13:45 - Te B'aib'ara

⁴⁵ Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 13:45 ပူးပေါင်းရင်းမြစ်များ

Karikani B'aai 37:11

Ao a bakantang tarina i rouna, ma e tabetabe nanon tamana n te b'ai arei.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Warekaia Iteraera 11:29

Ma e taku Moote nako ina, “Ko ira taangau? I tangiria riki b'a E na anga Tamneina te UEA nako ia aomata nako, b'a a aonga n riki ni burabeti aomata ni kabane.”

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 27:18

B'a e ataia n ae a tia aomata ake a kakannato, ake aia aomata I-Iutaia n anga Iesu nako nanoni baina i bukina b'a a bakantang.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:2

Ma I-Iutaia ake a aki onimaki a kakiriwei nanoia aomata ake tiaki I-Iutaia, ao a kananobuakaiia nakoia taari akekei.

M'akuri 14:4

E a riki te iraraaure irouia kaain te kaawa arei: a tei tem'angina i bukiia I-Iutaia, ao tem'angina a tei i bukiia taan tuatua.

M'akuri 14:5

A reke nanoia I-Iutaia ma ake tiaki I-Iutaia ma aia tia tautaeka nako b'a a na b'ainikirina B'auro ma B'arenaba ma ni karebanaia.

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

M'akuri 19:9

Ma ngke a matoatoa nanoia tem'angina n rawa ni kan ira nanona, ma ni kabuakaka i mataia aomata ana kaantaninga te UEA i bukin te kawai are a riai n toua, ao e nako mai rouia. E kairiia nako reirei ni kaokoroia, ao e reirei n te bong ae koraki n ana ru n reirei Turano.

M'akuri 5:17

E rangi ni bakantang aia mataniwi ibonga ma raona ni kabaneia, aika kaain te botaki n Tarukaio;

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

1.I-Korinto 3:3

i bukina b'a kam teimatoa ni b'aina te maiu are bobuaka ma nanon te Atua. B'a ngkai iai i roumi te bakantang, ma te kauntaeka, ao tiaki kam ekaanako nanon te Atua, ao kam katotoong aroia aomata?

2.I-Korinto 11:26

Ni m'am'anangau aika bati ao I kaitara ma kanganga aika I kuri ni kabuanib'ai iai, aika kanganga man taiani karaanga, mairouia taani kam'arua, mairouia au botannaomata, mairouia aomata aika tiaki I-Iutaia, man te kawa, i nanon te rereua, i marawa, mairouia taari ni kewe;

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

2.Timoteo 3:11

ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.

Iakobo 4:5

Kam taku b'a akea manenan ana taeka te B'aib'ara are kaangai, “E rangi ni korakora nanon te Tamnei n tangirira, are E kamaekaa te Atua i nanora.

1.Betero 4:4

A mimi ngkai kam aki raoniia n aroia ni kabatia te maiu-buaka n aron are a kakaraoia; ao a taetaebuakaingkami.

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.