M'akuri 13:38 - Te B'aib'ara

³⁸ Ma ngaia aei, taari, kam na ataia b'a kam tuangaki b'a a kab'araki buure iroun Iesu. Ma kam aki konaaki ni kainaomataki n ami bure mai aan ana tua Mote.

M'akuri 13:38 ပူးပေါင်းရင်းမြစ်များ

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 130:7

Iteraera, kam na kaantaninga te UEA, b'a e teimatoa ana tangira ao E tauraoi n taai nako ni kakamaiu.

Taian Areru 32:1

A kab'aia akana kab'araki aia bure, mani kamaunaaki aia kairua.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Taniera 3:18

E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 2:14

Ao e teirake Betero ma uake tengauni ma temanna, ao e kanenea b'anaana n taetae nakoia aomata ni kaangai: Mm'aane aika I-Iutaia, ao ngkami ni kabaneingkami aika kam maeka i Ierutarem, e na ataaki aei iroumi, ao kam na ongora n au taeka!

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 28:28

“Ma ngaia ae kam na ataia, b'a e a tia n nako taekan ana kamaiu te Atua aei nakoia aomata aika tiaki I-Iutaia, ao boni ngaiia akana na ongo.”

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

I-Korote 1:14

are e reke mai Rouna kainaomatakira, ae nanona, b'a a kab'araki ara bure.

Ebera 8:6

Ao E a reke iroun Iesu ngkai te nakoa n ibonga ae rangi ni kakannato riki; ngkai Ngaia ae kona ni karekea te boraraoi ae raoiroi riki i marenan te Atua ma ana aomata, ae te boraraoi ae boboto i aon taian taeka n akoi aika raraoi riki.

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.

1.Ioane 2:12

Ataei aika kam uarereke, I koroboki nako imi, ngkai a a tia ni kab'araki ami bure i bukin arani Kristo.