M'akuri 13:31 - Te B'aib'ara

³¹ ao E kakaoti i nanoni boong aika bati nakoia ake a iria mai Kariraia nako Ierutarem, ake a tataekinna ngkai nakoia aomata.

M'akuri 13:31 ပူးပေါင်းရင်းမြစ်များ

Mataio 28:16

A nako Kariraia ana reirei Iesu ake tengauni ma temanna nakon te maunga are E a tia n tuangiia Iesu b'a a na nako iai.

Ruka 24:48

Ngkami taan taekini baika kam a tia n nori.

Ioane 15:27

Ao ngkami naba taani kakoaua, b'a kam a tia ni memena irou mai moana.

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 1:22

man te tai are e b'ab'abetito iai Ioane ni karokoa te bong are E uotaki rake iai Iesu mai roura.

M'akuri 1:3

I nanon abwi te bong i mwini matena ao E kaoti nakoia n aaro aika a na aki nanokokoraki iai teutana b'a E a tia ni manga uti. E noraki i rouia n taai aika bati, ao E taekini b'ain uean te Atua nakoia.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 10:39

Ao bon taani kakoaua ngaira nakoni b'aai ni kabane ake E karaoi i abaia I-Iutaia, ao i Ierutarem. Ao a tiringnga ngke a tauria n te kaibangaki.

M'akuri 10:41

Tiaki nakoia aomata ni kabaneia, ma E kaotia ti nako ira, ngaira aika taani kakoaua aika ti a kaman rineaki iroun te Atua, aika ti am'arake ao ti moi ma Ngaia i mwini maiuna mai buakoia maate.

M'akuri 2:32

E a manga kamaiuaki Iesu aei iroun te Atua, ao bon taani kakoaua manga-utina ngaira ni kabaneira.

M'akuri 3:15

ao kam kamatea Uean te maiu, are E a manga kamaiua te Atua mai buakoia maate, ao bon taani kakoaua ngaira nakoni baikai.

M'akuri 5:32

Ao bon taan tataekini baikai ngaira, n ai aron naba te Tamnei are Raoiroi, are E a tia n anga te Atua nakoia ake a ira nanona.