M'akuri 13:12 - Te B'aib'ara

¹² Ngke e nora te baerei Terekio, ao e onimaki; e rangi ni mimi n taekan te UEA.

M'akuri 13:12 ပူးပေါင်းရင်းမြစ်များ

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ioane 7:46

A kaekaia bureitiman ao a taku, “Akea ma ngkoa ae aron Teuaei ngkana E taetae!”

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

M'akuri 13:49

Ao e tataekinaki ana taeka te UEA i aon te aba arei ni kabuta.

M'akuri 13:7

E memena Barietu iroun Terekio B'auro, ae te aomata ae wanawana, are te tia tautaeka n te aba arei. A weteaki B'arenaba ma Tauro iroun Terekio, b'a e kan ongora n ana taeka te Atua.

M'akuri 13:8

Ma e tukiia Eruma are te tia tabunea (b'a aei arana n te taetae n Erene), ao e kataia n tuka Terekio b'a e na aki onimakina Iesu.

M'akuri 15:35

A maeka B'auro ma B'arenaba ma raoia aika bati i Antioka, ao a reirei ma n tataekina ana taeka te UEA.

M'akuri 15:36

I mwin tabe bong, ao e taku B'auro nakoni B'arenaba, Ti na manga nako ni kawariia tarira ni kaawa nako ake ti taekina ana taeka te UEA iai, b'a ti na noori aroia.

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

M'akuri 19:10

E kakaraoa aei i nanon uoua te ririki, n te aro are a bane n ongo ana taeka te UEA aomata ake a maeka i Atia, ake I-Iutaia ma I-Erene.

M'akuri 19:20

Ao e buta nako ana taeka te UEA n te aro anne, ao a bati riki aomata ake a onimaki.

M'akuri 19:38

Ma ngaia aei, b'a ngkana tao iai ana taeka Temeterio ma taani m'akuri ake raona ni kabuakaka temanna, ao bon iai boong ni kabowi ao iai naba taani moti: arei neia n i kabuakaka.

M'akuri 19:7

Tao tengauni ma uoman m'aitiia aomata akekei ni kabaneia.

M'akuri 28:7

E kaan te tabo are a mena iai B'auro ma raona, ma abani mataniwin te abam'akoro arei, ae Boberio arana; e butim'aira ao e karaoi m'akuri n akoi aika ti kakukureiaki iai i nanon tenua te bong.

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

M'akuri 8:25

Ma ngaia aei, ngke a tia ni kaotioti uakekei, ma n taekina ana taeka te UEA, ao a okira Ierutarem; a tataekina te euangkerio ni kawan Taamaria aika bati i aoni kawaia n oki.