M'akuri 12:8 - Te B'aib'ara

⁸ Ao e taku te anera nakoina, “Kabaea raoi kabaean nuukam, ao karin am kau i waem.” ao ngaia e karaoi. Ao e a manga tuangnga riki ni kaangai, “Katokaa rabunan aom i aom, ao irai.”

M'akuri 12:8 ပူးပေါင်းရင်းမြစ်များ

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

Mareko 6:9

A na karin aia kau ni wae, ao a na aki b'ain uoua aia kabaraki!”

Ruka 12:37

A kab'aia tooro akana e noria te mataniwi b'a a tabe n tantani ngkana e roko; e koaua ae I a tuangingkami b'a e na kabaea nuukana ao e na katekatekaia b'a a na am'arake, ao e na roko n touati i bukiia.

M'akuri 12:7

Ao akea b'a e roko ana anera te Atua, ao e oota te oota i nanon te karabuuti; ao e orea rarikini Betero te anera ni kautia, ao e kaangai, “Kawaekoako! Teirake!” A b'aka taurekereke mai baini Betero n te tai naba arei.

M'akuri 12:9

Ao e oti nako Betero n iria, ma e aki koaua raoi n te baere e karaoaki iroun te anera, b'a e taku i nanona b'a ti te bo ma e mii.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

M'akuri 8:26

E taetae ana anera te UEA nakoni Biribo, ao e kaangai, “Katauraoiko b'a ko na nako aiaki, nakon te kawai are wairio mai Ierutarem nako Kaata.” Aei te kawai n te rereua.