M'akuri 12:3 - Te B'aib'ara

³ Ngke e nooriia I-Iutaia Erote b'a a kim'areirei iai, ao e a manga tauaki Betero i aan naba ana baire. A riki baikai ni bongin te Toa are te Kariki are aki Karikaki.

M'akuri 12:3 ပူးပေါင်းရင်းမြစ်များ

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Mataio 26:17

Ni moani bongin te Toa are te Kariki ae Aki Karikaki, ao a nako n Iesu ana reirei, ao a kangai, “E nga te tabo ae ti na katauraoia iai i bukin te am'arake are te Riao?”

Ioane 12:43

b'a a tangira riki kamoamoaaia irouia aomata nakoni kamoamoaaia iroun te Atua.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Ioane 21:18

Bon te koaua ni koaua ae I a tuangko, b'a ngke te teei ngkoe, ao ko tataneiai ni katauraoiko, ao ko nako ike ko kan nako iai; ma ngkana ko a unimm'aane, ao ko na arori baim, ao ane e na katauraoiko temanna ao e na kairiko nako ike ko aki kan nako iai.”

M'akuri 12:4

Ngke e a tia n tauaki Betero, ao e karinaki i nanon te karabuuti, ao a anganaki tautia aika akoraki aika kaka aman aomataia nako, b'a a na kawakinna. E kaantaningaia Erote b'a e na bairea taekani Betero i mataia aomata i mwin te Toa are te Riao.

M'akuri 2:14

Ao e teirake Betero ma uake tengauni ma temanna, ao e kanenea b'anaana n taetae nakoia aomata ni kaangai: Mm'aane aika I-Iutaia, ao ngkami ni kabaneingkami aika kam maeka i Ierutarem, e na ataaki aei iroumi, ao kam na ongora n au taeka!

M'akuri 20:6

Ao ti borau mai Biribi i mwini baneni bongin te Berena are aki Karikaki; nimabong ara bong, ao ti roko irouia uakekei i Teroa, ao ti tiku iai itibong.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 25:9

E kan tangiraki Beteto irouia I-Iutaia, ma ngaia are e taku nakoni B'auro, “Ko kan nako Ierutarem b'a N na motika taekam iai i bukini bukinam aikai?”

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.