M'akuri 12:20 - Te B'aib'ara

²⁰ E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.

M'akuri 12:20 ပူးပေါင်းရင်းမြစ်များ

Karikani B'aai 10:15

Natin Kanaan mm'aane bon Titon are te karimoa, ao Eta are boni ngaiia aia bakatibu aomata akana a bon ingoani araia.

Karikani B'aai 10:19

ni karokoa e roko tian Kanaan i Titon are nakoiang nako Kera i rarikin Kaata, ao ni waerake naba nako Tootom, Komora, Atema, ao Teboiim i rarikin Ratia.

2.Rongorongo 2:10

N na kaboia am taani korokai 2,000 te uita, ae m'aitin naba te b'are, 400,000 te riita te wain, ao m'aitin naba anne b'aan te oriwa.

2.Rongorongo 2:15

Waaki ni kanakoi am uita, b'aare, b'aan te oriwa, ao te wain akana ko a tia ni berita b'a ko na kabooia iai au taani m'akuri.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Taeka n Rabakau 17:14

Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Taeka n Rabakau 25:8

i m'aain ae ko katea temanna n te bowi, b'a ko rawa ni konaaki ao ko kamaamaaeaki.

Te Minita 10:4

Tai kaaki am m'akuri ngkana e un am mataniwi. E na kab'araaki am bure ngkana ko tiku n aki kakarongoa.

Etekiera 27:17

E anganiko Iuta ma Iteraera aia kabanea n raoiroi n uita, ao kabanean raoiroin aia biiku, ana karewe te manibeeru, b'aan te oriwa, ao kaboiararaan te am'arake b'a boon am b'ai ni kaboob'ai.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

M'akuri 12:21

N te bongi teuana are e baireaki, ao e karini kunnikaina n uea i aona Erote, ao e tekateka i aon ana kaintokanuea, ao e taetae nakoia aomata.

M'akuri 21:3

Ngke e ria Kubero, ao ti kitanna n ri maiakina ni borau nako Turia, ao ti aerake i Turo: b'a a kaerakeaki iai kaako.

M'akuri 21:7

E roko n tokina m'anangara mai Turo ngke ti roko i Betoremai, ike ti kamauriia iai taari, ao ti tiku i rouia te bongina.

Iotua 19:29

E a manga b'aoua te tia nako Rama, ao e roko n te kaawa are e nonoaki are Turo, ao e a manga nako Ota ao e toki n taari are te Mereterenian. A aikai naba kaawa ake a reke i nanon abaia: M'araba, Aketib'a,