M'akuri 11:28 - Te B'aib'ara

²⁸ E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

M'akuri 11:28 ပူးပေါင်းရင်းမြစ်များ

Karikani B'aai 41:38

ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.”

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Ruka 2:1

Ni boong akekei, ao e nako te kaetieti mairoun te uea ae kakannato are Kaitaraa Aukitito b'a e na karaoaki te wareaomata i aon aban nako te tautaeka n Room.

Ruka 3:1

N ana katengauni ma nima ririki n uea Kaitara Tiberio, ngke e tautaeka Bontio Birato i Iutaia ao Erote i Kariraia, ao Biribo are tarin Erote i Iturea ao i Terakoniti, ao Rutania i Abirene,

M'akuri 18:2

e kaitibo iai ma te I-Iutaia ae arana Akura ae bungiaki i Bonto, ae e a tib'a roko mai Itare, ma Beritikira are buna, i mwin ana taeka Keraurio nakoia I-Iutaia ni kabaneia b'a a na kitana Rom. E nako ni kawariia B'auro,

M'akuri 21:10

Ao ngke ti tiku ikekei tabebong, ao e wairio te burabeti temanna mai Iutaia, ae arana Akabo.