M'akuri 11:24 - Te B'aib'ara

²⁴ B'a te aomata ae e raoiroi B'arenaba, ao e on n te Tamnei are Raoiroi, ao bon te tia onimaki ni koaua. Ao a bati aomata ake a tib'a onimakina te UEA.

M'akuri 11:24 ပူးပေါင်းရင်းမြစ်များ

2.Tamuera 18:27

Ao e takaarua teuare e mena i taubukin te auti ni kaangai, “Ti te bo taraan are te moan bon Aimaati are natin Tatoka te m'aane.” Ao e taku Tawita n te tai aei, “Bon te aomata ae e raoiroi. E na bae ni uota te rongorongo ae e raoiroi.”

Taian Areru 112:5

E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taian Areru 37:23

Ngkana e karaoa ae E tangiraki iroun te UEA te aomata, ao E na anganna te kona ni waaki ni maiuna ma te ninikoria.

Taeka n Rabakau 12:2

E tangiriia aomata nako te UEA akana a maiuakina te raoiroi, ma e katuaaia aomata nako akana a karaoi taiani babaaire aika a buakaka.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 14:14

Kam taia te b'ai ae kam unikia, e ngae ngkana e raoiroi ke e buakaka.

Mataio 12:35

E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Mataio 19:17

Ao E taku Iesu nako ina, “Ko aera ngkai ko titirakinai b'a tera ae raoiroi? Bon ti Temanna ae raoiroi. Ngkana ko kan rin n te maiu are akea tokina, ao ko na tou mwin taian tua.”

Ruka 23:50

Iai temanna te aomata ae arana Ioteb'a, ae kaain te kawa n Iutaia ae Arimataia. Kaain te Tanirim ngaia, ao te aomata ae raoiroi ao e b'ab'aina te eti ni maiuna,

Ioane 7:12

E bati te maningongoo irouia aomata i bukina. A taku tem'angina, “Te aomata Ngaia ae e raoiroi,” ao tem'angina a taku, “Tiaki; bon te tia burebureia aomata.”

M'akuri 11:21

A buokaki ni m'aakan te UEA, ao a onimaki aomata aika bati, ao a rairaki nakon te UEA.

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 2:47

ao a kamoamoa te Atua, ao a tangiraki irouia aomata. N te bong ae koraki ao a kam'aitaki riki aia koraki taan onimaki iroun te UEA irouia ake a tib'a manga kamaiuaki.

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

M'akuri 5:14

A kabatiaki riki m'aitiia ake a onimakina te UEA, irouia mm'aane ma aine aika rangi ni bati.

M'akuri 6:3

Ma ngaia aei, taari, kam na rineia itiman i buakomi aika kakoauaki b'a a on n te Tamnei ma te rabakau, ao ti na katabeia n te m'akuri aei.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 15:15

Ma n te reta aei ao I a tia n ninikoria n taekini b'aai tabeua aika I a tia ni kauringngkami iai. I ninikoria n taekin i bukina b'a E a tia te Atua n ana akoi ni karikai

I-Rom 5:7

B'a e kangaanga ae e na mate temanna i bukin te aomata ae kakaonimaki n ira nanon te tua; ma tao e a kona ni mate i bukin te aomata ae e raoiroi.