M'akuri 11:20 - Te B'aib'ara

²⁰ Ma iai taan onimaki tem'angina aika I-Kubero, ao I-Kurene, ake a nako Antioka ao a tataekina te UEA are Iesu nakoia I-Erene naba.

M'akuri 11:20 ပူးပေါင်းရင်းမြစ်များ

Mataio 27:32

Ngke a toua kawaia n oti nako, ao a bo ma te I-Kurene temanna, ae arana Timon; ao a kairoroa tautia b'a e na uota te kai are E na tauraki iai Iesu.

Ioane 7:35

A taku I-Iutaia ngkanne i bon i rouia, “E nga te tabo ae E na nako iai ngkai E na aki reke iroura? E na nako n aia kaawa I-Erene ike a maeka iai kaain ara botannaomata, b'a E na reireiia I-Erene?

M'akuri 11:19

A kauamaaeaki nako taan onimaki n tain te b'ainikirinaki are e mate iai Tetebano. Iai ake a nako n toki i Boinike, ao i Kubero, ao i Antioka, ao a tataekina ana taeka te Atua nakoia ti I-Iutaia.

M'akuri 11:22

A ongo taekaia uakekei kaain te ekaretia i Ierutarem, ma ngaia are a kanakoa B'arenaba b'a e na nako Antioka.

M'akuri 11:26

Ao ngke e reke i rouna, ao e kairiia nako Antioka. Teuana aia ririki ni bobotaki ma kaain te ekaretia ikekei, ao a reireia aomata aika bati. Antioka bon te tabo are a moa n atongaki iai taan onimaki b'a Kristian.

M'akuri 11:27

Ni boong akekei ao a roko i Antioka burabeti mai Ierutarem.

M'akuri 13:1

Iai burabeti ma taan reirei aika mena n te ekaretia i Antioka, aika B'arenaba, ma Timeon are arana teuana Nikera, ao Roukio are te I-Kurene, ao Manaen are kaikawaki ma Erote are te tia tautaeka, ao Tauro.

M'akuri 14:26

ao a borau mai iai nako Antioka, ike a tia ni mwiokoaki iai rimoa nako nanoni bain te Atua, b'a a na kairaki n ana akoi i bukin te m'akuri are a tia ngkai ni karaoia.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 15:23

A korea te reta b'a uotaia, ae kaangai taekana: Ti anga ara kamauri, ngaira aika taan tuatua ma taari aika unimm'aane, nakoimi ngkami aika taari aika tiaki I-Iutaia i Antioka, i Turia ao i Kirikia.

M'akuri 15:30

Ao uakekei, ngke a kanakoaki, ao a nako Antioka, ike a botiia iai kaain te ekaretia, ao a anganiia te reta.

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 18:22

Ngke e aerake i Kaitareia, ao e waerake ni kamaura te ekaretia, ao i mwina e nako Antioka.

M'akuri 2:10

ao i Berukia, Bamburia ma Aikubita, ao i aban Ribua ake i rarikini Kurene; ao iai naba i buakora aika roko n iruwa mai Rom,

M'akuri 4:36

Ao Ioteb'a, are e aranaki irouia taan tuatua b'a B'arenaba (ae nanona, “Natin te kaunga-nano”) ae te I-Kubero, ae kaain te utu ae te Rewi,

M'akuri 5:42

Ao a aki toki n reirei n te bong ae koraki, ma n atoatonga Iesu b'a te Kristo n te Tembora, ao n te auti teuana ma teuana.

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:9

Ao a kauntaeka ma Tetebano aomata tabem'aang aika kaain te m'aneaba are aranaki b'a m'aneabaia Aomata aika Inaomata, aika I-Iutaia mai Kurene, ao mai Arekanria, ni botaki ma I-Iutaia mai Kirikia ao mai Atia.

M'akuri 8:35

Ao e wakina ana karaki Biribo n taekina Iesu, ao e moanna mani kab'arab'araan nanon taeka n te m'akoro ni B'aib'ara anne.

M'akuri 8:5

Ma e nako Biribo nakon te kaawa are Taamaria, ao e taekina te Kristo nakoia aomata iai.

M'akuri 9:20

E nako ni m'aneaba nako ao e tataekina Iesu b'a Natin te Atua Ngaia.

M'akuri 9:29

E aki toki n taetae ma ni kauntaeka ma I-Iutaia ake a b'aina te taetae n Erene; ao a kataia ni kani kamatea.

1.I-Korinto 2:2

B'a e reke nanou ngke I mena i buakomi b'a akea riki te bae N na taekinna b'a ti Iesu Kristo, te Kristo are mate n te kaibangaki.

I-Karatia 2:11

Ma ngke e roko Keeb'a i Antioka, ao I taetae i matana n ekianako, b'a e bure te baere e karaoia.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,