M'akuri 10:4 - Te B'aib'ara

⁴ Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

M'akuri 10:4 ပူးပေါင်းရင်းမြစ်များ

2.Rongorongo 32:24

Ni bon aekakin naba te tai aei, ao e a aoraki Etekia ao e a kuri ni mate. E tataro, ao te UEA e anganna te kanikina ae e na manga marurung.

2.Rongorongo 6:33

ao ongora mani mwengam ane i karawa ao kaekai aia tataro. Ao ane a na bane kaain aonnaba n taromauriiko, n ai aron are a karaoia ake bon am aomata aika Iteraera, ao ane a na ataia iai b'a I karaoa te Tembora aei i bukin neboakim.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Taian Areru 20:3

E na butim'aai am karea ni kabane, ao ni kukurei n am karea ni kabane.

Itaia 43:26

I a kaitibo ma ngkami n te kaboowi! Kaota ami tangitang ao kaota te kakoaua b'a kam bon eti.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Taniera 10:11

Ao e taku te anera nako iu, “Taniera, e tangiriko te Atua. Teirake ao ongora raoi nakon te b'ai ae N na taekinna. I kanakoaki nakoim.” Ao ngke e a tia n taekina arei ao I teirake, ao I bon ruru naba.

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Mataio 26:13

E koaua ae I a tuangngkami, b'a n taabo nako ike e taekinaki iai te euangkerio, ao te b'ai ae e karaoia neiei e na taekinaki naba b'a kanuringana.

Ruka 1:29

Ngke e ongo Nei Maria ana taeka te anera ake e taekin ao e kakiriweaki nanona, ao e iango i nanona b'a tera nanon te aeka ni kamauri arei.

Ruka 24:5

Ao a kabaraakii mataia b'a a maaku, ao a taku mm'aane akekei nako ia, “E aera ngkai kam ukoukora temanna ae maiu maibuakoia maate?

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 14:9

E ongora irouni B'auro ngke e taetae; ao B'auro e katokai matana n taraia, ao e ataia b'a iai i rouna te onimaki are e konaaki ni kamaiuaki iai

M'akuri 22:10

I a titirakinna ngkanne, ni kaangai, “Te UEA, tera ae N na karaoia?” Ao E taku te UEA nako iu, “Tei rake, ao naako Tamateko; ao ane ko na tuangaki iai b'aai ni bane ake a tia ni baireaki i bukim b'a ko na karaoi.”

M'akuri 3:4

A katokai mataia Betero ma Ioane n taraia, ao e taku Betero nakoina, “Taraira!”

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Te Kaotioti 8:4

Ao e aetorake bubuni karea ake a boiarara, ma aia tataro ake a itiaki mai bain te anera are tei i matan te Atua.

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”