M'akuri 10:35 - Te B'aib'ara

³⁵ E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

M'akuri 10:35 ပူးပေါင်းရင်းမြစ်များ

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 19:9

Te b'ai ae e raoiroi karinean te UEA: E na kakaraoaki n aki toki. A eti ana Moti te Atua; a aki nanonano.

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 2:5

Ao ane ko na ataa iai nanon te b'ai ae e nanonaki ni karinean ao ataakin te UEA ae te Atua.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Ruka 1:28

E roko te anera i rouna ao e taku, “Ko na mauri, ngkoe ae reke i roum te akoaki, E mena i roum te Uea!”

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 10:28

E taku nakoia, “E ataaki iroumi b'a e aki riai n taekan te tua, b'a te aomata ae te I-Iutaia e na i raorao ma kaain te aba teuana, ke e na kawaria; ma E a tia te Atua ni kaotia nako iu b'a akea te aomata temanna ae N na atongnga b'a e aki itiaki ke e kam'ara.

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 2:13

B'a tiaki akana ongora n te Tua ae e na reke i rouia te reitaki ae e raoiroi ma te Atua, ma e na reke irouia akana ira nanon te Tua.

I-Rom 2:14

B'a aomata aika tiaki I-Iutaia aika akea te Tua i rouia, ngkana a ongeaba nakoni b'anaani mataniwin nanoia n aki ataia ae a ira iai nanon te Tua, ao a kaotiia iai b'a a ata ae a riai ni karaoia ao ae a aki, e ngae ngke akea te Tua i rouia.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

1.I-Korinto 12:13

B'a ti bane ni b'abetitoaki nako nanon te rab'ata ae ti teuana iroun te Tamnei are Raoiroi ae ti temanna, ngaira aika I-Iutaia ma I-Erene, ma tooro ma inaomata; ao a bane n anganaki nanora te Tamnei are Raoiroi ae ti temanna.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 5:21

ao kam na aan-taeka, temanna iroun temanna, b'a kaotani karineani Kristo iroumi.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

1.Ioane 2:29

Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.